Jaagduiwel kry borgtog

Die beweerde jaagduiwel wat glo meer as 300 km/h gery het, is op borgtog vrygelaat.

Die 36-jarige bestuurder, Phumlile Ncube, is Sondag by ‘n begrafnis in Limpopo in hegtenis geneem.

Ncube het Maandag in die landdroshof in Midrand verskyn en is op borgtog van R1 000 vrygelaat.

Ncube het glo in die feestyd teen 308 km/h in Midrand gejaag en ‘n video gemaak. Die video is later op sosiale media gedeel.

Die saak teen Ncube is tot 13 Maart uitgestel, het Simon Zwane, woordvoerder van die Padverkeersbestuurskorporasie, gesê.

Ncube word van roekelose en nalatige bestuur aangekla, sowel as dat hy ander motoriste se lewens in gevaar gestel het deur die voorgeskrewe spoedbeperking te oorskry.

Maroela Media het vroeër berig in die video, wat wyd op sosiale media gedeel is, kan gesien word hoe ʼn motoris ʼn video neem terwyl hy aanvanklik teen 243 km/h ry en dan uiteindelik versnel tot 308 km/h.

In die agtergrond kan gesien word hoe die motoris onder ʼn e-tol-hek deurjaag en ander motors verbysteek.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
JohanR

Nie geweet ‘n Audi TT kon 308km(184.8 myl p/u) bereik nie? Miskien was die wind van agter? Het julle op die video gesien hoe David Kramer op ‘n afleweringsfiets, sy klokkie ly en probeer om hom verby te steek? Hy het toe net weg getrek van die Royal Hotel af, na ‘n hele paar doppe. En daar val ek alweer van my stoel af van die lag…..

Hans

Korrupte regstelsel. Daar is geen eenvormigheid met strawwe nie.

Daan Erasmus

Hoe gaan die Staat bewys dat hy skuldig is. Die video is net toelaatbaar as die persoon wat dit geneem het dit in hof bevestig. Die tol hek kan ‘n probleem wees.

Vra net

Is dit nie die man wat die video gedeel het waar hy so cinnig ry op Sosiale media en sodoende vasgestrek is. Of was daar 2 mense wat so vinnig gery het?

Ig

Sien gereeld hoe die Audi,s, Bm, s en Benze teen 200 plus op die N1 Noord jaag, sluit Bloulig Brigade in.