Jaagduiwel ‘op pad na vergadering’ vasgetrek

Argieffoto

’n Man (33) sal Maandag in die hof verskyn nadat hy vandeesweek in hegtenis geneem is ná hy ’n allemintige 229 km/h op die N4 van Bronkhorstspruit na Witbank gery het.

Ofentse Morwane, woordvoerder van die departement van gemeenskapsveiligheid, het gesê die man, in ’n BMW, het Vrydag aangevoer hy is op pad na ’n vergadering.

“Die man is op die toneel in hegtenis geneem waar ’n amptelike klag van roekelose en nalatige bestuur en die oorskryding van die spoedgrens teen hom aanhangig gemaak is,” het Morwane gesê.

Die man sal Maandag in die Bronkhorstspruit-landdroshof verskyn.

Sizakele Nkosi-Malobane, LUR vir gemeenskapsveiligheid in Gauteng, het gesê sy is baie teleurgesteld veral aangesien dit “vervoermaand” is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Koos de Meyer.

Mense dink hulle is bo die wet verhewe en kan maar jaag. Kyk maar wat se motor is dit. Kry maar vir jou meneer.

Anoniem

Wonder of sy lisensie weggevat gaan word.

Cherokee

Nou sal die mense wat droom om so kar te ry weer begin vertel hoe veilig is daardie kar teen daardie spoed, nie wetende dat daardie kar teen daardie spoed etlike honderde treë neem van volspoed tot stilstand.

Cherokee

Waarheen Anoniem? Ten minste gaan die hoogste syfer in sy bankrekening weggevat word.

Netso

Ek wonder altyd hoekom ñ regering toelaat dat nuwe voertuie meer as die maksimum spoergrens mag ry? As hy teen 230 km per uur gevang is, wat het hy dan al gery op ñ publieke pad ? Meeste padgebruikers kan inelkgeval volgens my bestuur nie kyk maar na die R59 Vereeniging pad wat ñ reguit snelweg is hoeveel voertuie rol net eenvoudig daar?