Jaagduiwel ry meer as 200km/h

Porsche Panamera  (Argieffoto)

Porsche Panamera (Argieffoto)

ʼn 48-jarige man is Sondag op die N1-snelweg in Johannesburg in hegtenis geneem nadat hy meer as 200 km/h gery het.

“Die man het ʼn Porsche Panamera sonder nommerplate bestuur en sy voertuigregistrasie het boonop verval,” het hoofsup Wayne Minnaar van die Johannesburgse metropolisie gesê. Die man het glo teen 202 km/h gery en is naby Maraisburg aangekeer.

“Die man word by die Florida-polisiestasie aangehou en sal na verwagting Maandag in die landdroshof in Roodepoort verskyn op aanklag van roekelose en nalatige bestuur,” het Minnaar bygevoeg. Die man word ook daarvan beskuldig dat hy met ʼn ongeregistreerde voertuig gery het. -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.