JacarandaFM beboet oor hoendergesprek

Argieffoto

Argieffoto

Die Uitsaaiklagtekommissie van Suid-Afrika (UKKSA) het JacarandaFM beboet oor aanmerkings wat ʼn aanbieder oor ʼn voorval van bestialiteit gemaak het.

“Die radiostasie is met R5 000 te beboet,” het prof. Kobus van Rooyen, UKKSA se voorsitter, Maandag gesê.

ʼn Luisteraar van Nelspruit het die klag ingedien nadat die aanbieder, Ron Olivier, kommentaar van luisteraars voorgelees het oor oomblikke by hul werksplek wat ʼn verleentheid was. Hy het ʼn boodskap van een van die luisteraars voorgelees wat glo sy kok in ʼn ongewone posisie met ʼn hoender in die kombuis betrap het.

Die luisteraar het aangevoer daar was jong kinders in die motor toe die uitlating gemaak is. “Olivier het gedink dit was baie snaaks,” het die klaer geskryf. “Ek dink dit is onaanvaarbaar om sulke grappe deur die dag te maak wanneer soveel jong kinders luister. Ek moes aan die kinders verduidelik wat die omroeper bedoel het.”

Die luisteraar het geëis dat die aanbieder dadelik geskors word en dat die radiostasie op die lug om verskoning vra.

Van Rooyen sê die stasie het ingestem dat die aanbieder swak oordeel uitgeoefen het. Die uitsaaier het egter ter verdediging van die omroeper gesê Olivier het nie self die kwessie aangeroer nie, en slegs die luisteraar se kommentaar voorgehou. Die aanbieder het boonop intussen reeds bedank en werk nie meer vir die stasie nie.

Van Rooyen het gesê die kommissie het bevind dat die uitsaaikode oortree is. “Ons het besluit dat dié soort oortreding ontmoedig moet word, en dat ʼn blote teregwysing nie dieselfde gewig sal dra as ‘n boete nie.”

Die boete moet voor of op 30 Augustus 2014 betaal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Oom Japie

Sò min? Di’s lekker! Ek wonder of mense werklik besef watter skade kinders aangedoen word. Ai, die ou wêreld is vol vrot appels.

Michelle Smit

Ek het ook eendag op hulle facebook bladsy n boodskap gelos en gevra of hulle besef kinders luister ook radio. Daar is nerens meer enige perke.

Lorraine Hattingh

Kom ek se vir julle… Ek het nooit Jakaranda FM geluister tot Ron Oliver begin het nie. Hy het soveel keer my dag gemaak en my laat beter voel met sy kommentaar en grappe! Ek wil ook net se dat die span van die “Breakfast Show” baie erger goed al gese het.
Lorraine

Nick McKey

Being a Nelspruit resident myself and having met Ron on a few occasions and have listened to his shows in the past, this is a gross injustice on a very decent person. The cheek the listener has to demand he be fired immediately is just extremely petty and rather immature, he also has a lifestyle to maintain. He may have made a mistake but in his defense I too have heard the breakfast show making far worse comments when kids are actually in cars on their way to school than Ron ever has, Ron’s show is later in the morning… Lees meer »

Oortjies

Regtigwaar, ‘ouers’ moet begin om verantwoordelikheid vir hulle eie bloedjies te neem. As jy volwasse genoeg is om ‘n kind te verwek, dan moet jy seker volwasse genoeg wees om hulle so te kan grootmaak dat ‘n vuil grappie nie die hele ‘applecart’ sal upset nie. Mense moet ophou om te verwag dat vreemdelinge verantwoordelikheid neem vir hulle kinders se welstand en eerder voor hulle eie deur begin vee en so sorg dat die kind bewus is van alles wat goed en sleg is, en self ingeligte besluite kan neem. JakarandaFM is nie eers in my deel van die wereld… Lees meer »