Jacob Zuma in hospitaal opgeneem

Oudpres. Jacob Zuma. (Foto: Emmanuel Croset/AFP)

Oudpres. Jacob Zuma is Vrydagoggend in ’n hospitaal opgeneem vir mediese waarneming.

Volgens Singabakho Nxumalo, woordvoerder van die departement van korrektiewe dienste, het ʼn roetine-waarneming daartoe gelei dat Zuma gehospitaliseer is.

“As ’n voormalige president vereis die gesondheidsbehoeftes van Zuma die betrokkenheid van die Suid-Afrikaanse militêre gesondheidsdienste. Dit is die geval sedert hy in Estcourt-gevangenis opgeneem is.” Geen verdere besonderhede is bekend gemaak nie.

Zuma dien 15 maande tronkstraf uit weens die minagting van ’n hofbevel om voor die Zondo-kommissie na staatskaping te getuig.

Zuma is veronderstel om volgende week in die hooggeregshof in Pietermaritzburg te verskyn vir sy korrupsieverhoor. Dit kom nadat die hooggeregshof Zuma se aansoek om self in die hof te wees toegestaan het.

Die saak is van 10 tot 13 Augustus op die hofrol geplaas. Zuma word deur 16 klagte in die gesig gestaar vir die 1999-aankoop van onder meer vegvliegtuie, patrolliebote en weermagtoerusting van vyf Europese firmas terwyl hy Suid-Afrika se adjunkpresident was.

Hy word daarvan beskuldig dat hy sowat R4 miljoen in omkoopgeld van een van die maatskappye, die Franse vervaardigingsreus Thales, in sy sak gesteek het. Thales staan ook tereg op aanklag van korrupsie en geldwassery.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

95 Kommentare

jongste oudste gewildste
Werner

Snaaks dit het nie lankal gebeur nie.Die lot is so voorspelbaar.

Michal

moet ek nou lag of huil, ek weet dit klink dalk nie van pas nie

marius

En dit kom as ‘n verassing ? Rook en spieels , en almal is deel daarvan .

Nicholaas

Gedink dit gaan net n kwessie van tyd wees voor dit gebeur.

Nozi

Jip, volgende week moet hy in die hof verskyn wat nou heel waarskynlik nie sal gebeur nie omdat hy seker nou vir ‘n lang tydperk in die hospitaal sal wees. Net nog een van sy tricks.