Jagluiperds val lugmaglid by basis aan

Jagluiperd  (Foto aan Maroela Media verskaf deur Dinokeng)

Jagluiperd (Foto aan Maroela Media verskaf deur Dinokeng)

ʼn Lid van die lugmag is Dinsdag by die lugmagbasis in Louis Trichardt in Limpopo deur twee jagluiperds aangeval.

Brig.genl. Marthie Visser, die lugmag se direkteur vir korporatiewe personeeldienste, het gesê die twee jagluiperdmannetjies is nuwe inwoners by die lugmagbasis. Jagluiperds word gereeld deur die lugmag by die basis aangehou om die wildbevolking te beheer.

“Die Makhado-lugmagbasis het reeds ʼn ondersoek van stapel gestuur na die ongewone voorval,” het Visser gesê. “Die ondersoek sal die lid se beserings aan diens verklaar en sodoende voorkomingsmaatreëls instel vir die toekomstige bestuur van die jagluiperds in die lugmag se lugvaartveiligheidsprogram.”

Volgens Visser word die jagluiperds gebruik om die wildbevolking te beheer aangesien die wild ʼn gevaar kan inhou vir vliegtuie wat die basis gebruik. “Die praktyk word al sedert die 1990s baie suksesvol toegepas, eers by die basis in Hoedspruit en daarna by die Makhado-lugmagbasis,” het sy gesê.

“Jagluiperdmannetjies wat by die Hoedspruitsentrum vir bedreigde spesies geteel word, word gereeld in pare by een van die lugmagbasisse geplaas. Oor die afgelope twee dekades is waardevolle kennis en ervaring opgedoen om die jagluiperdprogram by beide basisse suksesvol toe te pas.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
EMK

Moet tog nou net nie die arme diere laat uitsit nie asb!! Dalk het die ou gehardloop en hulle hom as prooi gesien?

Elzani

Ek ken die vrou wat aangeval is- dis my tannie. En nee, sy het nie gehardloop nie- sy is onskuldig aangeval. Gewoonlik is ek ook ‘n voordtaander om te keer dat diere uitgesit word, maar in die geval voel ek anders- dis familie…. en sy kon dood gewees het!

Pendoring

Maar net weer ‘n bevestiging van ‘n baie ou waarheid. Wanneer die mens en ‘n wilde dier dieselfde spasie deel gaan die mens tweede kom. Die jagluiperds is wild. Hanteer hulle so. Hulle het heeltemal te veel skerp kante om gerus te raak.

Ja?

Elzani, jammer om te hoor. Tog voel ek dat die jagluiperds is nie daar omdat hul daar wil wees nie. Hulle is daar geplaas. En juis wil die lugmag dit so he. Dan moet personeel meer beveilig word. Veiligheidsmaatreels ten opsigte van personeel se veiligheid. Waarom die dier skiet, dink hul die volgende wilde dier gaan dit nie doen nie. Vat die dier eerder terug waar hy was en niemand gepla het nie. Wild kan nie ‘n timer inhe wat se nou is jy wild en nou is jy nie wild nie.

Justa

Jagluiperds is wilde diere. Hulle behoort nie aangewend te word in die Lugmag se belang in n beperkte area nie. Hoedspruit LMB maak ook gebruik van jagluiperds. Wat in elk geval van die geraas as elke vliegtuig opstyg, dit moet hulle mateloos irriteer. Moet asb tog net nie die diere van kant maak nie, hulle is bedreigde spesies.