‘Jagongeluk’-moordsaak: Getuies glo bang om verklarings te gee

Hepburn en sy vrou gesels in die hof. Foto: Mariné Lourens

Hepburn en sy vrou gesels in die hof. Foto: Mariné Lourens

Die saak teen Stefan Hepburn (39), die man wat op ʼn aanklag van moord tereg staan nadat hy na bewering ʼn plaaswerker tydens ʼn jagtog per ongeluk doodgeskiet het, is tot Dinsdag uitgestel.

Hepburn het vandag in die Modimolle-landdroshof verskyn waar hy om borgtog aansoek doen. Die hof het vroeër gehoor dat Hepburn en sy vrou Saterdag 11 Februarie op ʼn plaas in die Tuinplaas-distrik gaan bosvarke jag het. Hepburn het in ʼn verklaring aan die hof gesê hulle het die aand, toe dit reeds donker was, in ʼn mielieland op die plaas gesit en vir die bosvarke gewag om te kom.

Volgens Hepburn het hy ʼn donker voorwerp in die land gesien wat soos ʼn groot bosvark gelyk het wat in sy rigting kyk. Hy beweer hy het ook die kenmerkende geluid gehoor van ʼn bosvark wat mieliestronke van die plant af stroop. Hepburn sê hy het op die voorwerp gemik en geskiet en die voorwerp het ʼn vreemde geluid gemaak wat soos ʼn mens geklink het. Dit is toe dat hy besef het hy het moontlik iemand raakgeskiet.

Daar is later vasgestel dat Jan Railo (23), ʼn werker van een van die buurplase, op die toneel doodgeskiet is. Hepburn het in sy verklaring gesê hy vermoed dat Railo in ʼn sittende posisie mielies in ʼn sak gedruk het, omdat ʼn sak vol mielies later naby sy liggaam gevind is.

ʼn Verklaring van die man wat op die plaas boer is Maandagmiddag in die hof voorgelees. Daarin het hy bevestig dat hy nie vir Railo ken nie en dat hy nie op die plaas werksaam was nie. Kapt. Richard Boshomane, die ondersoekbeampte in die saak, was Maandagmiddag in die getuiebank.

Bashomane het aangedui dat hy Hepburn se borgtogaansoek teenstaan weens die ernstige aard van die aanklag teen hom. Hy het ook gesê dat Hepburn baie van die getuies in die saak ken en dat daar dus ʼn moontlikheid is dat hy met die ondersoek kan inmeng of getuies kan intimideer. Volgens Bashomane het die saak ook openbare opslae gemaak en is daar daarom die gevaar dat die publiek reg in eie hande kan neem sou Hepburn op borgtog vrygelaat word.

Adv. Wilco Botha, Hepburn se regsverteenwoordiger, het Bashomane gevra op watter gronde hy meen Hepburn kan getuies intimideer. Bashomane het geantwoord dat hy sekere getuies genader het om verklarings af te neem, maar dat hulle gesê het hulle is te bang om hul verklarings vir die polisie te gee omdat hulle Hepburn vrees. “Hulle het gesê hulle het gesien wat [Hepburn] gedoen het en hoe die oorledene doodgemaak is en daarom is hulle bang vir [Hepburn],” het Bashomane gesê.

Op ʼn vraag van die landdros hoe die oorledene doodgemaak is, het Bashomane geantwoord: “Die getuies het gesê hy is in sy bors geskiet en daar was ʼn groot gat op sy rug. Hulle wil nie ook slagoffers wees nie en hulle sê hulle weet [Hepburn] het ʼn vriend op daardie plaas.”

Botha het hierdie stelling verwerp deur te sê dit is ʼn subjektiewe mening van die getuies en dat Hepburn nog nooit enige van die getuies geïntimideer of gedreig het nie. Hy het ook herhaal dat Hepburn in sy verklaring onderneem het om nie met die polisieondersoek of enige getuies in te meng nie.

Botha het ook Bashomane se stelling, dat die publiek moontlik reg in eie hande sal neem indien Hepburn borgtog toegestaan word, verwerp deur te sê Hepburn woon in Pretoria en nie in die omgewing nie. “Dit beteken nie dat iemand in aanhouding gehou moet word net omdat die gemeenskap ʼn sekere siening oor die saak het nie. Dit is die polisie se plig om beskuldigdes te beskerm,” het hy gesê. Bashomane het geantwoord dat die polisie Hepburn kan beskerm indien hy in polisieaanhouding bly.

Die hof was Maandag weer eens volgepak met betogers wat meestal in ANC- en EFF-klere geklee was. Hulle het plakkate omhoog gehou waarop hulle aandui dat Hepburn nie borgtog toegestaan moet word nie, asook ander plakkate waarop die ooglopende verskil tussen ʼn bosvark en ʼn mens uitgewys word.

Die staat het aangedui dat hy beplan om nog ʼn getuie te roep om in die borgtogaansoek te getuig. Die saak is tot Dinsdag uitgestel.

Lees alle vorige berigte oor Stefan Hepburn op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

57 Kommentare

jongste oudste gewildste
Gerd Lourens

Daar tref die blinde sambok toe iemand op ‘n “affirmative action shopping spree”…

Sonja

Boere skiet varke omdat hul baie skade maak… Die oorledene was nie veronderstel om dai tyd van di nag op n ander persoon se grond te oortree nie. Ek kan verstaan dat hy vir Stephan soos n dier gelyk het in n hurkende posisie. Die EFF en ANC wil mou wee di dam onder die eend uitruk. Dis hul manier.

Yrust

Dit hoe dit gaan n bloode ongeluk word nou uit gebuit wat is mons nie wit nie.Was dit wit het hulle bedoog vr Borg maar ja so gaan dit as n president antie wit is .

hykie

Die regstelsel is ‘n grap!!! Siek!

popeye

Getuies ook op hoorsê gerapporteer. Enige Advokaat wat sy sout werd is gaan bangheid of verwaandheid vinnig onder kruiverhoor uitwys! Ek verstaan die beskuldigde was ‘n genooide gas op ‘n plaas…die mense daar ken hom dus nie. Kom ons kyk