‘Jagongeluk’: Talle betogers by hof

Foto: Mariné Lourens

Foto: Mariné Lourens

ʼn Groep betogers het Donderdagmiddag voor die Modimolle-landdroshof saamgedrom waar Stefan Hepburn verskyn in verband met die dood van ʼn plaaswerker, wat Saterdag op ʼn plaas in die Tuinplaas-omgewing buite Modimolle geskiet is.

Die betogers, waarvan die meeste in EFF en ANC-klere geklee was, het buite die hof gedans en gesing. Hulle eis dat Hepburn nie op borgtog vrygelaat word nie. Volgens die betogers was die skietdood van Jan Railo (23) ʼn rassevoorval en nie ʼn ongeluk soos hy beweer nie. Talle betogers het Black First Land First (BLF)-hemde aangehad waarop staan “land or death”.

Van die betogers het plakkate rondgeswaai met die woorde “White people are racist” en “That bastard must rot in jail”.

Foto: Mariné Lourens

Foto: Mariné Lourens

Hepburn het vroeër aan die polisie gesê hy en ʼn vrou het Saterdag omstreeks 20:30 op die plaas gaan bosvarke jag, toe die voorval gebeur het. Hepburn beweer hy het iets hoor beweeg en in die rigting van die geluid geskiet. Nadat hy en die vrou nader gestap het, het hulle glo besef iemand is raakgeskiet. Railo, wat ʼn plaaswerker op een van die naburige plase was, is op die toneel dood.

Hepburn sou na verwagting vandag om borgtog aansoek gedoen het. Maroela Media verneem egter die saak sal uitgestel word, omdat Hepburn se regsverteenwoordiger nie beskikbaar is nie.

Die hofordonnans het lede van die publiek Donderdag verbied om in die eerste ry van die publieke banke in die hof, reg agter die beskuldigdebank, te sit. Volgens lede van die publiek is dit vermoedelik omdat van die betogers tydens Hepburn se vorige hofverskyning Maandag op hom gespoeg het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
Manie

En wat van die arme boere. Wat sorg dat daar kos op ons tafels is elke dag. Maak hulle maar dood. Nee Meneer beskerm hul eerder. Ons is oppad na Zim se omstandighede toe.

Yolandie Le Roux

Ek wil net graag weet.
Wat het die plaaswerker van n naburige plaas 20:30 op n plaas gesoek waar hy nie hoort nie.
Ek voel jammer vir familie wat dalk n broodwinner verloor het.
Maar HOEKOM moet alles ALTYD rassisties wees

Magda

Jy sien nooit enige betogings as dit n Boer en sy gesin is wat vermoor is nie ? Die was n AFSKUWELIKE ONGELUK – STOP KILLING THE FARMERS PLEASE!!!!

Jakalas

Wat het ek gesê toe hierdie artikel op die web kom? EFF en ANC gaan van hierdie molshoop ‘n berg maak. Klomp aasvoëls.

Johnny

HOEKOM was julle nie by die hofverrigtinge waar die SEUNTJIE met ‘n mes gesteek is of die DOGTERTJIE van 8 met ‘n REWOLWER teen die kop gedreig is nie? Hoekom was julle nie by die BALFOUR moorde se betoging nie? O gaats, die slagoffers wat WIT en ONSKULDIG. Julle verdedig mos koperkabeldiewe en onwettige jagters .. ‘n Witte mag nie ‘n ONGELUK in die donker maak nie, maar ‘n groep van 8 swartes mag VIER wittes voor die voet doodskiet .. ERENS is die skaal besig om erg ongebalanseerd te raak …