Jason Rohde mag appelleer teen skuldigbevinding, vonnis

Susan Rohde.

Die veroordeelde moordenaar Jason Rohde se aansoek om teen sy skuldigbevinding en vonnis te appelleer, is in die appèlhof toegestaan.

Rohde (50), ʼn Johannesburgse sakeman, het sy vrou, Susan, in Julie 2016 in ʼn hotelkamer op die Spier-landgoed vermoor. Hy het die toneel na ʼn selfmoord laat lyk.

Die hooggeregshof in Kaapstad het hom in Februarie vanjaar 20 jaar tronkstraf opgelê.

Regter Gayaat Salie-Hlophe het Rohde tot 18 jaar tronkstraf gevonnis op aanklag van moord en vyf jaar tronkstraf op aanklag van regsverydeling. Sy het beveel dat drie jaar van die tweede vonnis samelopend met die eerste vonnis uitgedien sal word, wat beteken Rohde sal effektief 20 jaar agter tralies deurbring.

In April het Salie-Hlophe Rohde se aansoek om teen sy skuldigbevinding en vonnis te appelleer van die hand gewys.

Hy het hom daarna tot die appèlhof gewend.

EWN berig die hof het Dinsdag sy aansoek toegestaan.

Rohde gaan volgens berigte ook weer om borgtog aansoek doen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
jo

So as jy moord pleeg mag jy oor en oor appelleer? Solank jy nie DIE WOORD se nie. Ai

HM

Ai nog n uitgerekte saak wat net nie einde het nie. Verhore sloer ook te lank.

ne

Skelpmie betaal seker onder die tafel deur. Ons regstelsel in SA stink.

Sê maar net

Ek stem 100% saam met fish. Rhode is nie skuldig nie. Susan was beslis ‘n neurotise vrou en ek verstaan Rhode wou al ‘n egskeiding gehad het maar sy wou nie. Hierdie was haar manier om wraak te neem. Dr’s kon bewys dat sy op antidepresante was en dat sy al selfmoord nygings gehad het.

Pop

@fish, kyk bietjie wat doen n vis in n vistenk. Hy swem al in die rondte en hap na lug. Aan en aan. Hierdie man is n moordenaar sonder berou. Paar manne hier wie se vrouens seker ook nie wil padgee nie.