Jayde Panayiotou. Foto: Verskaf
Dr. Kevin Fourie het getuig Jayde is in die rug geskiet en dat die koeël deur haar linkerlong gedring het. Die tweede skoot het haar ruggraat afgeskiet en tot gevolg gehad dat sy verlam was.
“Daar sou ʼn gebrek aan motoriese funksie wees en sy sou neergeval het.” Jayde is hierna in die kop geskiet. Jayde se ma en sussie, Michelle en Toni, het die hof verlaat toe Fourie getuig het oor Jayde se longe, ribbe, brein en skedel wat geperforeer is. Jayde se man, Christopher, en sy familie het geen emosie getoon terwyl Fourie getuig het nie.
Rachel Windvogel, wat naby die Kwanobuhle- informele nedersetting woon waar Jayde se lyk gevind is, het Woensdag getuig sy het die oggend van 21 April 2015 drie “duidelike” skote vinnig na mekaar gehoor.
Volgens Windvogel was sy bang nadat sy die skote gehoor het, maar het sy nie die polisie gebel nie. Sy het eers bewus geword van wat gebeur het nadat die polisie die volgende dag by haar huis opgedaag het.
Panayiotou word daarvan beskuldig dat hy die meesterbrein is agter Jayde se ontvoering en moord. Die staat voer aan hy het Luthando Siyoni, ʼn uitsmyter by sy Infinity-nagklub, betaal om Sizwezakhe Vumazonke as sluipmoordenaar te huur. Vumazonke is glo deur Sinethemba Nenembe bygestaan om die ontvoering en moord uit te voer. Sibeko is in Julie vanjaar in hegtenis geneem nadat hy deur sy selfoon verbind is met die saak. Hy was glo saam met Nenembe en Vumazonke by die kompleks waar Jayde ontvoer is.
Siyoni het intussen staatsgetuie geword en Vumazonke is vroeër vanjaar in aanhouding dood.
Die verhoor duur voort.
Lees alle vorige berigte oor Christopher Panayiotou op Maroela Media.
Ek kan my nie eers die angs voorstel wat hierdie arme vrou moes deurmaak nie.
Ek hoop hierdie lummel kry wat hom toe kom.
Die gemors hoop hulle sit 3x lewenslank
Ek besef dit is ‘n onvanpaste vraag in die hartseer omstandighede, en ek bedoel geen dis-respek teenoor enigiemand nie, maar ek het van die begin van die tragedie af gewonder: was Jayde en Christopher se samesyn ‘n “gereëlde huwelik”? (Arranged marriage)
Elize C, hoekom op aarde sou jy so iets vra?
want sy kan!
@ Annakapat, ek vra omrede die geskiedenis vele voorbeelde het van “arranged marriages”, waar die paartjie geen gevoelens vir mekaar het nie, maar deur hul families gedwing word om te trou, terwyl een van die partye dalk reeds verlief is op iemand anders. Hulle voel vasgevang in ‘n liefdelose huwelik met iemand vir wie hulle dalk nie eens respek het nie, en dit loop gewoonlik uit op buite-egtelike verhoudings en/of erger…..
Doen dieselfd aan hom volgens die BYBEL
Waarom nie net maar skei nie? Seker weer geld..