Jesus sou Tutu veroordeel oor uitlatings, sê CDP

Emeritus-aartsbiskop Desmond Tutu. Foto: Ilan Godfrey/Templeton Prize/SAPA

Emeritus-aartsbiskop Desmond Tutu. Foto: Ilan Godfrey/Templeton Prize/SAPA

Die Christen-Demokratiese Party (CDP) sê hy is oortuig daarvan dat indien Jesus nog op aarde was Hy emeritus-aartsbiskop Desmond Tutu ‘n “seun van satan” sou genoem het.

Ds. Theunis Botha, leier van die CDP, het die uitlating gemaak nadat Tutu die naweek gesê het hy steun genadedood.

“Biskop Tutu het nou genadedood (selfmoord) gevoeg by sy steun vir aborsies en huwelike van dieselfde geslag, wat lynreg indruis teen die Woord van God,” het Botha in ‘n verklaring gesê.

Botha sê Tutu het in sy soeke na die kollig nou die vriend van die vyand, eerder as ‘n vriend van God geword.

“Ons is oortuig daarvan dat sou Jesus nou op aarde gewees het, sou Hy Tutu met dieselfde afkeer gegroet het as waarmee hy die fariseërs behandel het, en Tutu skynheilig, ‘n witgepleisterde graf en ‘n seun van satan genoem het.”

Lees ook:
Tutu steun genadedood

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Naomi Schulze

Wees asb so gaaf om ds Botha daarop te wys dat genadedood en selfmoord nie dieselfde begrip is nie

AmY

Sjoe Ds Theunis. dis darem sterk woorde wat jy daar kwytraak.

Ja, ek is ook teen aborsie en huwelike van dieselfde geslag, maar om sulke goed kwyt te raak, maak my baie benoud.

En nee, ek glo Jesus is vir daai mense net so lief as vir enige ander mens op hierdie aarde.

Ek is seker hy pleit by God vir ons ELKEEN se sondes. Hoe groot of klein ook al.

Na alles, is sonde nie sonde nie. Is daar werklik GROOT en KLEIN sondes?

Is R50 steel dan ‘n kleiner sonde as aborsie ondesteun?

GOD IS LIEF VIR ONS ALMAL.

AmY

Dis waarom die mense nie kerk toe wil gaan nie.

Elizabeth

En NERENS staan dit dat selfmoord verkeerd is nie! Wys my die presiese plek en woorde waar dit staan! Moet ook nooit ooit vergeet met die vervolging van die Christene het die Bybel amper geheel verdwyn en dat almal nie kon lees en skryf in daardie tye nie. Die Bybel is grootliks oorlewering by monde van wat mense uit daardie tye kon onthou/skryf en nie noodwendig presies die woord van God nie. Lees gerus die wonderlike boek “In die begin was die Woord – die aangrypende verhaal van die Bybel” deur GS Wegener. Die Bybel is ‘n riglyn waarvolgens HOPELIK… Lees meer »

EMK

Die man noem homself ‘n Christen en tog veroordeel hy Desmond Tutu… Hy moet maar weer mooi die Bybel gaan lees.