Jeugdag: ‘Gedeelde ervaring skep nuwe vorm van samehorigheid’

Die ikoniese foto van Hector Pieterson geneem deur Sam Nzima.

Die ikoniese foto van Hector Pieterson geneem deur Sam Nzima.

Die Afrikaanse Taalraad het gesê hy betreur die pynlike gebeure in Soweto 40 jaar gelede.

“Ons betuig hiermee ook ons meelewing met die ongelooflike gevoelens van verlies wat soveel families sekerlik nou nog met die herdenking van hierdie tragedie ervaar,” het dr. Conrad Steenkamp, hoof van die Afrikaanse Taalraad, gesê.

Steenkamp het gesê Sharpeville raak nog steeds almal van ons. “Ook Afrikaans dra steeds die letsels van ’76. Die voorstelling van Afrikaans as die taal van die onderdrukker loop steeds diep en resoneer met baie studente op talle kampusse; ook met amptenare of politici wat hulle vir die uitrangering van die taal beywer.”

Volgens Steenkamp is baie onreg inderdaad in Afrikaans gepleeg. “Afrikaans is egter vir baie ook die taal waarin hulle téén onreg gestry het en talle Afrikaanse studente het met hulle lewe hiervoor geboet. Afrikaans is óók ʼn taal van bevryding.”

Steenkamp het gesê die verengelsing van skole en universiteite, en die oningeligte eise dat Afrikaans moet val, skep nuwe gevoelens van verlies onder Afrikaanssprekendes – toenemend ook onder die sprekers van ons ander inheemse tale.

“Hierdie gedeelde ervaring skep nuwe vorms van samehorigheid wat oor tradisionele grense heen reik, selfs al verdeel wanbegrip, onuitgesproke pyn en geweld mense nog. Die Afrikaanse Taalraad streef na ware versoening tussen die sprekers van Afrikaans asook met die sprekers van ander tale. Die pad na versoening vereis wedersydse erkenning van mekaar se pyn, empatie en ʼn herontdekking van die waarde van gesprekvoering. Vir baie mense begin hierdie pad in Soweto in 1976.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Gwen

Die ATR moet hom maar eerder met taalsake bemoei en nie politiek bedryf nie. Hierdie stukkie is uit en uit politiek en het niks met die ATR se mandaat te make nie.

Anel

Assenlief! Engels was nog altyd die taal van die onderdrukkers. Gaan kyk die geskiedenis! Die engelse wou ons land vat vanaf die vroegste tye. As die wat nie in Afrikaanse wou leer nie, hoekom het hulle nie aangedring op hul eie taal nie. Net soos vandag. Kan nie engels praat nie maar alles moet engels.

Anel

Skuus. Asseblief!

Rapes

Ek voel jammer vir hulle. Dit is hul probleem teenoor afr. Ek voel netso teenoor engels, maar die verskil is die afrikaner moes verskoning vra, maar die engelse het meer as 100 jaar nog nie verskoning gevra nie. So afrikaners tel jul koppe op en kyk almal in die oe en wees trots op wie en wat jy is en as hulle dit nie wil aanvaar nie is dit hul probleem.

Koos

Tyd om aan te beweeg die kerk straat bomaanval val in die selfde kategorieë maar ons moet vergewe en aan beweeg so moet almal maar en begin konsentreer op die huidige probleme soos die ekonomie,misdaad,plaasmoorde,water ens