Jeugdiges verkrag, beroof glo ouma (76) en kleindogter

sapd-saps-polisie

Foto: SAPD/Facebook

Twee jeugdiges, onderskeidelik 15 en 18 jaar oud, het dié week in die landdroshof in Bloemhof in Noordwes verskyn op aanklag van die beweerde verkragting van ʼn bejaarde vrou en haar kleindogter.

Lt.kol. Pelonomi Makau, woordvoerder van die polisie, sê die beskuldigdes is op 9 April deur die polisie vasgetrek ná die beweerde voorval glo laat Sondagaand (8 April) plaasgevind het.

Makau sê die twee verdagtes word daarvan beskuldig dat hulle gedwonge toegang tot die slagoffers se huis verkry het. Die slagoffers het glo geslaap ten tyde van die inbraak.

“Die verdagtes het na bewering die ouma en haar kleindogter beroof en verkrag, en toe gevlug met inkopies, skoene en selfone,” sê sy.

Makau sê sy is “gewalg” deur die voorval omdat die jong seuns volgens haar “sommer vir geen rede nie en sonder ʼn motief” na bewering die vroue verkrag het.

ʼn Voorlopige ondersoek het glo die 15-jarige en 18-jarige ook verbind met ander voorvalle van roof, huisroof en die besit van gesteelde goedere.

Makau sê die polisie het die verdagtes na dieselfde toneel in Bloemhof geneem waar die verdagtes volgens haar glo erken het dat hulle by ander misdade betrokke was.

Brig. Tshenolo Tlotleng, polisiebevelvoerder, het die Noordwes-polisie geloof vir die verdagtes se inhegtenisnemings. Tlotleng sê dié inhegtenisnemings is ʼn bewys dat geen misdadigers die lang arm van die gereg kan vryspring nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Alida

Walglik verby maar wat soek hulle in haar huis? 15 jaar oud behoort nog op skool en op 18 moes hy al gewerk het of weermag toe gegaan het. Ons kinders is op 18 jaar gedwing om weermag toe te gaan vir 2 jaar en daar is hulle geleer om volwasse te wees en nie bollie aan te jaag nie. Vandag is natuurlik ‘n ander storie !!!

Se maar net

Gee hulle n goeie tronkstraf en gooi die sleutels weg.

agnee

Makau is gewalg omdat die seuns die vrouens verkrag het met geen motief of sommer met geen rede nie.
Het nie geweet as jy ‘n motief of rede het dan maak dit verkragting aanvaarbaar nie.

F

Sonder motief verkrag? Het mens motief nodig om te verkrag?

WALGLIK

Ons is natuurlik net so gewalg daaroor maar wag nog dat julle GEWALG word deur die 3 jarige, een jarige, 4 jarige en 9 jarige dogtertjies wat wreed verkrag en op plase vermoor is . ek hoor NIKS van julle nie. Of maak dit nie saak omdat dit boerekinders was wat deur volwasse mans herhaaldelik verkrag en daarna aan die brand gesteek of doodgeslaan of gekruisig is nie . ASB vertel my .. hoekom WALG net sekere voorvalle julle MAKAU??