Jhb-burgemeester bedank dalk oor Zille

Herman Mashaba, burgemeester van Johannesburg. (Foto: ANA)

Herman Mashaba, Stad Johannesburg se burgemeester, sal Maandag ʼn perskonferensie hou ná Helen Zille die afgelope naweek as voorsitter van die Demokratiese Alliansie se federale raad aangewys is.

Zille vervang veteraan raadsvoorsitter James Selfe, wat uit die amp getree het ná hy sy bedanking aangekondig na die algemene verkiesing op 8 Mei 2019.

Naweekberigte dui daarop dat Mashaba na verwagting sy uittrede gaan aankondig nadat hy aan die DA-binnekring gesê het hy sal bedank as Zille as voorsitter van die federale raad aangewys word.

Mashaba werk nou saam met die Ekonomiese Vryheidsvegters (EFF) in die raadskamer. Die rooi barette stem op ʼn kwessiebasis.

Die DA-burgemeester het in Augustus nog ʼn mosie van wantroue oorleef ná die ANC onverwags die mosie teen hom teruggetrek het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

43 Kommentare

jongste oudste gewildste
Die Waarheid

Daar is tyd om te kom – En daar is tyd om te gaan – Koebaai …………………………. almal se harte gaan sekerlik baie seer wees en sal verskriklik na jou verlang . Gelukkig is daar wyn op die rakke beskikbaar .

Mb

Ek gaan nou, soos my kleindogter vra op nuus wat sy nie weet hoe om dit te hanteer nie, vra (met my tong in die kies,). Is dit nou goed of sleg?

John

Die DA se dood gaan deur hul agterryer se rooi hand bewerk word… Die ANC benut die EFF se betrokkenheid terdeè. Waarom oorhaastig samewerking met ‘n gifbol begin het weet net hulle.

Koos

Oeps. Hamlin se fluitspeler is terug.

Jimmy

Nog bedankings gaan volg. Die DA is op die rand van die afgrond.