Jhb-burgemeester klop by AfriForum aan oor korrupsie

Adv. Gerrie Nel en Herman Mashaba. Foto: Verskaf.

Herman Mashaba, burgemeester van Johannesburg, het by AfriForum se privaatvervolgingseenheid aangeklop vir hulp in verband met korrupsiesake in Johannesburg.

Natasha Venter, mediaskakelbeampte van AfriForum, het aan Maroela Media gesê die vergadering tussen die partye is Donderdagmiddag by Mashaba se kantore in Johannesburg gehou.

“Van AfriForum se kant af het Gerrie Nel, hoof van AfriForum se privaatvervolgingseenheid, en Monique Taute, hoof van AfriForum se teenkorrupsie-eenheid, die vergadering met Mashaba bygewoon,” het Venter gesê.

Mashaba het die eenheid tydens die vergadering gevra om by korrupsiesake in te gryp wat klaarblyklik al jare lank sloer of waar persone eenvoudig nie vervolg word nie.

Nel het gesê die Nasionale Vervolgingsgesag (NVG) versuim sy plig indien korrupsiesake met voldoende meriete vir vervolging vir jare lank sloer en die persone nie vervolg word nie.

“Niemand behoort bo die reg geag te word nie en AfriForum is vasbeslote om toe te sien dat gelykheid voor die reg geskied. Die privaatvervolgingseenheid sal na enige saak kyk wat Mashaba en sy administrasie na ons verwys en indien ons bevind dat daar prima facie-bewyse is om suksesvol te vervolg, sal ons privaat vervolging instel,” het Nel afgesluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Irma

Mooi !!! Lankal nodig dat korrupsie daadwerklik aangespreek word.

John

Het die DA ook geldelike probleme en is hulle bang vir skerpskutters? AfriForum het baie geld. Hulle hol agter anties en se los bedrading aan en maak paaie vir die ANC reg. Sekerlik is daar ‘$ geldjie vir Gerrie & kie om nou ook vir Da-da te onderhou. Stem DA mense, dis besig om onder te gaan… ‘n Pers vinger in die lug vir die party met arm plaaslose boertjies agter sy blad! (Die Joodjies verlaat die sinkende skip. Hulle pak op. Ek ok.)

liz

Nou is hulle ewe skielik goed genoeg.

1+1

Waar ‘n rokie is, is daar iets. Hoop julle kry genoeg om die sake te vat. Ek het respek vir fluitjieblasers!

PW

Mooi so Afriforum! Dit begin duidelik raak dat julle stadig maar seker momentum begin kry.