Jhb-sakevrou op snelweg doodgeskiet

Celia Da Costa. Foto: Facebook

Celia Da Costa. Foto: Facebook

Die eienaar van twee Johannesburg-restaurante is Saterdag op die M2-snelweg doodgeskiet terwyl sy op pad terug was van ʼn fees waar sy gewerk het.

Netwerk24 berig Celia Da Costa (49), eienaar van die Rodizio-restaurante in Bedfordview en Fourways, was op pad na haar huis in Norwood nadat sy drie stalletjies by die Lusito Land-fees in La Rochelle beman het. Da Costa was saam met drie van haar personeellede in haar Mercedes-Benz en die geld wat hulle deur die dag by die fees verdien het, was in die motor se bagasiebak.

Volgens Sandy Correia, ʼn vriendin van Da Costa, het drie mans die sakevrou gevolg nadat sy en die personeel weg is by die fees. Op die snelweg het een van die booswigte se motors voor Da Costa ingery terwyl die ander van agter teen haar vasgery het. ʼn Derde motor het probeer om haar van die pad af te dwing.

Een van die rowers het met ʼn AK-47 op Da Costa losgebrand en sy is verskeie kere gewond. Die rowers het gesukkel om die bagasiebak met ʼn breekyster oop te dwing omdat dit in die ongeluk beskadig is. Hulle het vir Da Costa se personeel geskree om hulle te help, maar het gevlug toe ander voertuie op die toneel stilhou.

Correia is van die voorval ingelig toe sy by die huis kom. “Celia het vir niks gesterf,” het sy gesê.

Volgens Netwerk24 kon die polisie nie vir kommentaar bereik word nie.

Netwerk24

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Paplepel

Nog ‘n kontrakmoord?

scalla

Tragies, so pragtige weerlose vrou, en dit vir geld, wanneer gaan die gereg besef dat hul nie meer in beheer van misdaad is nie.

Betzie

Jy praat waar .

andre

Ek stem saam. Elke dag moet ons hoor hoe ons volk vermoor word vir niks.

Paplepel

Dalk weer ‘n kontrakmoord?