Joernalis wat Malema glo beledig só gestraf 

Barry Bateman.

Die senior joernalis van Eyewitness News wat op kamera vasgevang is waar hy ʼn neerhalende term gebruik om na EFF-leier Julius Malema te verwys, is vir ʼn maand sonder betaling geskors en het ʼn finale waarskuwing ontvang.

Barry Bateman se uitlating het aan die lig gekom nadat ʼn video op sosiale media versprei is van Malema wat buite die Valke se kantoor met joernaliste praat. In die video kan gesien word hoe Bateman glo die p-woord uiter met verwysing na Malema.

EWN het onmiddellik nadat die voorval rugbaar geword het in ʼn verklaring Malema om verskoning gevra vir die kru-taal wat Bateman gebruik het. EWN het ook toe aangekondig dat hy met dissiplinêre stappe teen Bateman begin het.

‘n Skermgreep uit die video wat op sosiale media versprei is. (Video: Twitter)

Bateman het Dinsdag ʼn verklaring op sy Twitter-profiel gepubliseer waarin hy om verskoning vra en ook die straf wat hy opgelê is bekend maak.

Volgens Bateman is hy vir een maand, naamlik Oktober, geskors sonder betaling en het hy ʼn finale geskrewe waarskuwing ontvang wat vir 12 maande geldig sal wees.

In die verklaring vra Bateman onvoorwaardelik om verskoning aan alle Suid-Afrikaners, alle vroue, Malema, sy werkgewer en almal anders wat aanstoot geneem het oor sy uitlating.

“As ʼn senior joernalis en ʼn burger van Suid-Afrika het ek ʼn plig om die hoogste etiese standaarde en professionele gedrag te handhaaf, ongeag die omstandighede of verskille wat ek dalk met ander nuusmakers mag hê.”

Bateman sê verder sy gedrag was onregverdigbaar. “Ek sal tydens my tydperk van skorsing voortgaan om oor my onbetaamlike gedrag na te dink.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

92 Kommentare

jongste oudste gewildste
patriot

Barry, die enigste fout wat jy begaan het is om omverskoning te vra.

JvA

Malema kry seker vreeslik lekker of hy is kwaad want hy het gewens vir ‘n groter straf.

Kolle

Ons is nie kwaad vir jou nie. You were just stating the obvious.

Riaan P

Dis jammer. Barry moes eintlik ‘n verhoging gekry het. Hy’t maar net gesê wat almal dink.

M

Give that man a bells