Johannesburg en Kaapstad gewild onder wêreld se superrykes

Kaapstad. Argieffoto.

Kaapstad. Argieffoto.

Johannesburg en Kaapstad pronk op ʼn lys van 40 wêreldstede waar multimiljoenêrs werk en speel, het City Press berig.

Johannesburg is in die 28ste posisie op die lys, met Kaapstad kort op sy hakke in die 36ste posisie.

Die Knight Franks 2015 Wealth Report ontleed tendense rakende rykdomverdeling en fokus veral op superryk individue met belegbare bates van minstens $30 miljoen (meer as R353 miljoen). In 2014 het ongeveer 5 200 individue hulle by hierdie elitegroep aangesluit wat nou ʼn totaal van 172 850 individue uitmaak.

Europa beklee die eerste plek met 60 656 superrykes, Noord-Amerika is tweede met 44 922 en Asië derde met 42 272 superrykes. Afrika is laaste op hierdie lys met slegs 1 932. Johannesburg het 298 superrykes en Kaapstad 115.
Volgens die Knight Frank’s 2015 Wealth Report speel en werk die wêreld se rykstes in:

1. Londen
2. New York
3. Hongkong
4. Singapoer
5. Sjanghai
6. Miami
7. Parys
8. Dubai
9. Beijing
10. Zürich
en
28. Johannesburg
en
36. Kaapstad

City Press

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Pierre Celliers ·

Wat op dees aarde laat hulle Johannesburg kies om in te “speel”???!

Peet Schabort ·

Die twee stede moet definitief ‘n goeie selfbeeld hê maar geen standbeeld . . .

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.