Jong boer by plaashek oorval, ontvoer

Argieffoto: Nico Strydom

ʼn Jong boer is Maandag by ʼn plaashek oorval waarna hy in sy huis ingedwing en toe ontvoer is.

Die 30-jarige boer het omstreeks Maandag 19:10 by die plaas in Heidelberg in Gauteng aangekom nadat hy by die gimnasium was. Hy is by die plaashek deur vyf mans oorval, het kapt. Kay Makhubele, polisiewoordvoerder, gesê.

Die verdagtes het ʼn vuurwapen op die boer gerig en hom in sy huis ingedwing. “Die verdagtes het die huis geplunder en verskeie items, waaronder drie vuurwapens, klere en horlosies in die boer se bakkie gelaai.”

Volgens Makhubele het die verdagtes die boer in sy Toyota Hilux-bakkie ingedwing en hom sowat 5 km verder afgelaai. “Die boer het terug na die plaas gehardloop voor hy hulp ontbied het,” het Makhubele gesê. Die bakkie is later in Nigel met van die gesteelde goedere teruggevind.

Die verdagtes het ook die boer se bankkaarte en kontant gesteel en later R1 400 uit sy bankrekening onttrek.

Makhubele het gesê die verdagtes is tussen 20 en 30 jaar oud en het Zoeloe gepraat. Niemand is nog in hegtenis geneem in verband met die voorval nie.

Enigiemand met inligting oor die voorval word versoek om die Heidelberg SAPD te bel by 016 341 0343/61 of Stop Misdaad by 08600 10111.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

46 Kommentare

jongste oudste gewildste
AP

Mens raak woedend???? maar dankbaar dat hy ongedeerd is.????

Ig

Waarom het die boer nie sy wapen by hom gehad nie, boere weet hulle word getarget en moet wakker wees. Die mense spring uit enige bos uit. Nou het 5 boosdoeners weer weggekom, dankaar hy is ongendeerd.

Koos de Meyer.

Dra jou vuurwapen 24/7 by jou. Hierdie mense moet jou nie onkant vang nie.

schaun

Was hy gewapen toe hy oorval is of was sy wapens in die kluis toegesluit ,die meeste boere word oorval by sy hek as ek n boer was sou ek ekstra paraat gewees het as ek by my hek is en ten alle tye gewapen gewees het.

Nita

Nou is daar net een raat. Dra absoluut elke sekonde van die dag of nag jou vuurwapen. En natuurlik moet mense op plotte en plase in skofte slaap. Een slaap, die ander persoon staan wag. Dit is nou krim-oorlog.