Jong egpaar sterf saam

Jacques en Sunita van Dyk. Foto: facebook

Jacques en Sunita van Dyk, ʼn jong egpaar van Wellington, is vanoggend in ʼn huisbrand dood.

Kapt. FC van Wyk, woordvoerder van die polisie, het gesê die polisie het Woensdagoggend op die liggame van die egpaar, wat albei in hul vroeë 30’s is, afgekom. “Die polisie is omstreeks 03:15 na die huis ontbied. Ondersoekers het die toneel gefynkam om die oorsaak van die brand te probeer vasstel.”

Van Wyk het gesê die omstandighede rondom die voorval is nog nie bekend nie en word ondersoek. Van Dyk het as ʼn voorman gewerk op ʼn plaas in Voor-Groenberg buite Wellington.

Die egpaar sou later die maand hul vyfde huweliksherdenking vier. Huldeblyke aan die egpaar stroom intussen in op sosiale media.

Die sanger Herman Kleinhans van die musiekgroep Twee, het op Facebook hulde gebring aan die egpaar. “Stil, broers en susters, daar gaan twee van ons mense verby. Jacques van Dyk, ek sal jou altyd ag as een van die beste mense wie ek die voorreg gehad het om te ken. Altyd opreg, altyd beleefd. Ek kan nie glo dat jy en Sunita ons verlaat het nie en dis moeilik om te verstaan waarom. Dankie vir al die onvergeetlike tye,” het hy geskryf.

Die sangeres Leah het op Twitter ʼn foto van die egpaar gedeel en bygevoeg: “Die lewe is soms net te wreed.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
al

Dis tragies. Wat ñ gruwelike dood om aan te sterf. Maroela hou ons asseblief op hoogte wat die oorsaak van die brand is.

Hartseer

Jammer vir die familie en vriende. Ons het my tannie in Desember ook so verloor

Stef

Ek hoop daar word brandstigting ondersoek, as ek so kyk hoe die gemeenskappe en werkers teen die boere en voormanne doen, is dit al manier hoe daai huis aan die brand gelaan het.

Maureen

Ek wil net aan Piet Botha se sterkte met die operasie,ek weet how dit voel om met penne en skroewe te loop ek het 14jaar terug 2 rug operasies gehad nadat ek 19 jaar terug 1 van my werwels op 3 plekke gekraak het toe ek 2 vloere in ‘n hysbak skag geval het. Die 6 weke le mag lank voel maar dit gaan gou verby,doen net wat die drs se dit sal beter word.

Frederik

Soos die nuus in Wellington loop, wil dit voorkom asof die egpaar vermoor is voordat hul huis aan die brand gesteek is.