Jong man glo in kop geskiet tydens plaasaanval

ʼn Nooddienshelikopter wat die slagoffers na die hospitaal vlieg (Foto: Verskaf)

Twee mans is Donderdagaand in ʼn plaasaanval buite Ficksburg in die Vrystaat gewond.

Ian Cameron, hoof van gemeenskapsveiligheid by AfriForum, sê ʼn man, vermoedelik die boer se seun, is tydens die voorval in die kop geskiet. Volgens Cameron is die seun 25 jaar oud. ʼn Tweede man, glo ʼn plaaswerker, het ʼn skietwond in sy skouer opgedoen.

Volgens Cameron leef albei slagoffers.

“ʼn Nooddienshelikopter het pas op die toneel geland om die slagoffers na die hospitaal te vlieg,” sê hy.

Cameron sê vyf verdagtes was glo betrokke by die aanval. Volgens hom kon al vyf verdagtes daarin slaag om van die toneel te ontsnap en is hulle steeds op vrye voet.

Die polisie was kort ná die voorval steeds op pad na die toneel en die provinsiale woordvoerder kon nie onmiddellik vir kommentaar bereik word nie.

Hou Maroela Media dop vir meer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

40 Kommentare

jongste oudste gewildste
Skreeu te hemele!

Al wat ek voel is wanhoop

Louise

Lyk my die sweer is maandag oopgekrap… en nou is daar nie end nie ?

Elzé

Dit word nou by die dag meer en meer???

Haan

Dis die vyfde moord sedert maandag. Enige regdenkende mens kan sien ons is in n oorlog gewikkel. Dit is n baie donker tyd in ons volk se heugenis. Hulp gaan nie van die buiteland af kom nie. Hulp gaan van die Here Jesus Christus af kom en van jou vermoë om die verstand waarmee hy jou geseën het te gebruik. Ek bid vir die oumense en die swakkes,want hulle is die maklike teikens, soos die ou tannie van vanoggend in Lichtenburg op wie se gesig daar n kruis uitgekerf was. Hierdie is n geestelike oorlog en ons as boerevolk moet… Lees meer »

Hugo

Swart Maandag het als net vererger nou is daar elke dag nuwe slagoffers