Jong man op Vrystaat-plaas doodgeskiet

Kyle Stols. Foto: Facebook

ʼn Ondersoekspan was Maandagoggend steeds op die toneel waar ʼn 21-jarige voorman op ʼn plaas in die Jagersfontein-gebied in die Vrystaat doodgeskiet is.

Kyle Stols, die voorman van Hatari Big Game Safaris, is Sondag deur ʼn onbekende aantal verdagtes doodgeskiet. Konst. Mosili Ntsika, woordvoerder van die polisie, het aan Maroela Media bevestig Stols se liggaam is met ʼn skietwond in sy bors aangetref. Sy vuurwapen het by hom gelê.

Ntsika het gesê die presiese gebeure rondom Stols se dood is nog nie duidelik nie. Forensiese kenners van Pretoria is vanoggend na die plaas om verder ondersoek in te stel.

Marius Müller, nasionale operasionele koördineerder van AfriForum, het aan Maroela Media gesê daar word vermoed dat ʼn alarm op die plaas afgegaan en Stols gaan ondersoek instel het. Hy is toe geskiet. Müller het gesê dit lyk nie in dié stadium of iets op die plaas gesteel is nie, maar dit moet nog deur die polisie bevestig word.

Verskeie mense het boodskappe van medelye en huldeblyke aan Stols op sosiale media gedeel. “Kyle, jy was altyd die vriendelikheid vanself [en] jy het jou 110% in die lewe gegee! Jy’t altyd meer gedoen as wat van jou verwag word! Jy was ʼn yster met ʼn groot hart!” het Dassie van der Poel geskryf.

Helene-Mari de Jager het geskryf dit was ʼn voorreg om Stols te kon ken. “Jy was so ʼn goeie mens met so ʼn mooi oop hart. Jy kon nooit iets sleg sê van enigiemand nie. Kyle, jy sal vir ewig in ons harte wees!”

Ntsika het gesê ʼn saak van moord word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Eish

Twee plaas aanvalle en twee gedood vir die naweek.

Denise

Ek is geskok die dodetal styg net van onskuldige mense wat elke dag vermoor word WAAR GAN DIT EIENDIG AS DIT SO AANGAN???????

MERAAI

RUS IN VREDE KYLE!

marianne

Wanneer gaan iemand ingryp en se genoeg is not genoeg!!! Wanneer gaan die bloed van ons boere, hul gesinne of werkers ‘n smeemiddel wees vir ander om daadwerklik in te gryp en op te tree?

Mag God die Stols familie en Kyle se vriende en geliefdes krag gee om voort te kan gaan sonder hom. Hy sal nooit vergeet word nie.

Theresa

Hoe tragies. Innige simpatie aan familie en vriende.
Hoop die skuldiges word spoedig gevang en gevonnis.