Jong man sterf in motorfietsongeluk

Lees ook:
Familie rou ná tiener in motorfietsongeluk sterf

Argieffoto: ER24

Argieffoto: ER24

‘n 18-jarige man is dood nadat hy Woensdagmiddag van sy motorfiets af geval het in Bloemfontein in die Vrystaat.

Russel Meiring, woordvoerder van ER24, sê die ongeluk het in Bermuda-singel in Uitsig plaasgevind. Hy sê met paramedici se aankoms op die toneel het die jong man se lewelose liggaam langs sy motorfiets in die pad gelê.

Meiring sê die man het noodlottige kopbeserings opgedoen. “Ooggetuies op die toneel sê die jong man het om ‘n draai gegaan toe sy motorfiets gegly het op die nat pad. Die motorfiets het teen die sypaadjie en daarna ‘n boom gebots. Die motorfietsryer is op slag dood.”

Die oorsaak van die ongeluk word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

ronel ·

as jy mooi kyk moes hy vrek vinnig om daai draai gegaan het ek self ry bike en jy gly net as jy te vinnig ry en telaat briek

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.