Jong man sterf ná R21-skietery

Francois Swart.

ʼn Kranslegging is Donderdag gehou vir die jong veiligheidswag wat dood is nadat ʼn groep rowers Dinsdag op die motor waarin hy en ʼn kollega gery het op die R21-snelweg losgebrand het.

ʼn Kruis is reeds vroeër die week langs die R21 naby die Griffiths-afrit naby Kempton Park opgerig waar die skietery Dinsdag plaasgevind het. Francois Swart (22) is Woensdag in ʼn hospitaal oorlede nadat hy en ʼn kollega, Dale Collins, ernstig tydens die skietery beseer is. Collins sal glo Vrydag weer geopereer word.

Kollegas, familie, vriende en lede van die gemeenskap was Donderdagoggend by die kranslegging teenwoordig. Hy was ook bekend in gewigoptel-kringe.

Die kruis wat langs die R21 ter ere aan Swart opgerig is. Foto: Sec Pros/Facebook

Swart en Collins het glo goud van Pretoria na Edenvale vervoer toe die skietery plaasgevind het.

Kapt. Kay Makhubela, Gauteng-polisiewoordvoerder, het vroeër gesê ʼn groep van agt tot tien rowers in twee motors het omstreeks 12:00 ʼn wit Toyota Land Cruiser op die R21 agternagesit waartydens talle skote afgevuur is om die motor tot stilstand te bring.

Makhubele het verduidelik die polisie was intussen na die toneel ontbied waarna ʼn skietery tussen die polisie en die verdagtes ontstaan het. Die verdagtes het met leë hande op die vlug geslaan.

Niemand is nog in verband met die voorval in hegtenis geneem nie.

Die polisie ondersoek sake van moord, poging tot moord en poging tot roof.

Die Toyota Land Cruiser ná die voorval. (Foto: Verskaf)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
Chris Ws

Dis duidelik die polisie was vas aan die slaap anders sou daar helikopters ens vir “backup” gewees het.SWAK SAPD – S W A K !!

Ursula Botha

Dit is baie hartseer sterkte vir sy familie

Philip

Baie sad. Sterkte aan familie. Dit is ‘n “inside job”. As die polisie slim genoeg is sal hulle by sy werk begin navrae doen.

Agie

Indien SAPS wel ál die skuldiges vang, verhoor en toesluit, verander NIKS. Die kosbare jongman is dood. Die power regering bly power. Net ons HERE kan hierdie gemors waarin ons, onsself laat beland het, verander. Mense …….BID

Michael

ek wonder nog al hoeveel goud daar was dat die kind sy lewe moes prysgee vir n klomp sleg goed wat nie wil werk nie.