ʼn 19-jarige man is Maandagaand dood nadat hy deur ʼn trein in Queenswood, Pretoria, getref is.
Santi Steinmann, woordvoerder van Netcare 911, het gesê die man was reeds dood toe paramedici op die toneel opgedaag het. Hy het aan sy veelvuldige beserings beswyk.
“Die presiese oorsaak van die ongeluk en die gebeure vooraf is nie bekend nie en sal deur die polisie ondersoek word,” het sy gesê.