ʼn Jong man (25) het vroeg Saterdagoggend in KwaZulu-Natal verdrink.
Chris Botha, woordvoerder van Netcare 911, het gesê paramedici is omstreeks 01:13 uitgeroep na ʼn kompleks in Umhlaga Ridge aan die Noordkus.
“Die mense wat die man gekry het, het hom op die bodem van die swembad aangetref en sy liggaam uit die swembad gehaal. Toe die paramedici daar aankom het hulle die lewelose man langs die swembad aangetref,” het Botha gesê.
Hy is op die toneel dood verklaar.
Volgens Botha het dit swaar gereën ten tyde van die voorval.
Die voorval word ondersoek.
Wat ek dink mag ek nie hier sê . . . Nog só jonk maak dit nog hartseerder.
Geen naam, geen konteks, wat is die waarde van die berig? Dit neem ruimte en gee geen inligting.
Ek wil ook weet wat die doel van die berig is. Dit sê eintlik niks.
OU NUUS al van verlede week.