Jong man verdrink op Oujaarsdag by waterval

Argieffoto (Foto: Free-Photos/Pixabay)

Die polisie stel ondersoek in ná ʼn 26-jarige op Oujaarsdag by ʼn waterval naby Uniondale in die Wes-Kaap gesterf het.

Sers. Christopher Spies, woordvoerder van die polisie, het aan Maroela Media gesê die jong man het vroeër na die waterval gegaan, maar sy vriende het eers later op sy liggaam afgekom. “Paramedici het hom op die toneel dood verklaar. Sy liggaam is Woensdagoggend met ʼn helikopter van die toneel verwyder.”

ʼn Nadoodse ondersoek sal gedoen word om die oorsaak van sy dood te bepaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae