Jong man vermis in see by Diasstrand

Argieffoto van Diasstrand. (Foto: NSRI)

’n Jong man het Sondag onder die water by Diasstrand in Mosselbaai verdwyn terwyl hy saam met vriende in die see geswem het.

’n Soektog na die man (21) het in dié stadium nog niks opgelewer nie.

Andre Fraser, stasiebevelvoerder van die Nasionale Seereddingsinstituut (NSRI) in Mosselbaai, sê hulp is Sondag omstreeks 14:01 ontbied nadat die man deur die see meegesleur is en onder die water verdwyn het.

Die polisie is ook ontbied en ’n soektog is van stapel gestuur.

Die polisie se duikeenheid het teen vanoggend steeds na die man in die water gesoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.