Jong mense op Gauteng-plaas aangeval

Argieffoto

ʼn Man is erg aangerand en met ʼn steekwond in sy rug gelaat nadat drie aanvallers op ʼn plaas in Hekpoort in Gauteng toegeslaan het.

Kapt. Mavela Masondo, provinsiale woordvoerder van die polisie, het aan Maroela Media gesê die voorval het Donderdagaand net ná middernag plaasgevind. “Daar was twee mans en ʼn vrou. Hulle het stemme buite in die erf gehoor. Hulle het op hulle geskree en dit het stil geraak; hulle het gedink die verdagtes het gevlug,” het Masondo gesê.

Die slagoffers het hierna ewe skielik gehoor hoe begin die verdagtes die veiligheidshek afbreek en dadelik die paniekknoppie gedruk. Volgens hom is dit nog onduidelik waarmee die verdagtes die deur afgebreek het.

“Drie verdagtes het die huis ingekom. Een slagoffer kon daarin slaag om weg te hardloop. Die ander man is erg aangerand en in die rug gesteek met ʼn mes. Hulle wou die vrou verkrag, maar gelukkig het beamptes van die veiligheidsmaatskappy daar aangekom en die verdagtes het op die vlug geslaan met selfone,” het Masondo gesê.

Tebogo Magoro, woordvoerder van Netcare 911, het gesê die 21-jarige man het erge beserings aan sy gesig opgedoen, asook ʼn steekwond in sy rug. “Die vrou is aangerand, maar het geen sigbare beserings nie. Hy het probeer om haar te verkrag, maar nie daarin geslaag nie,” het Magoro gesê.

Volgens Magoro is die man in ʼn stabiele toestand na ʼn hospitaal vervoer.

Masondo het gesê die polisie ondersoek sake van huisroof, poging tot verkragting en aanranding met die doel om ernstig te beseer.

Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Hettie

Hoeveel aanvaller word gevang na plaas aanvalle ?
Hulle word nie gesoek nie

Amore

Janee maar almal kerm nog oor apartheid. Wanneer gaan hierdie goed aangespreek word? Apartheid word nou al vir 24 jaar aangespreek, maar plaasmoorde word al van 1994 af geignoreer? Die oorsese lande het sanksies teen SA toegepas en gereeld hulle monde uitgespoel jeens rassistiese SA, maar nou dat die bordjies verhang is en ONSKULDIGE mense elke dag aangeval en vermoor word, nou is die oorsese lande TJOEPSTIL, nou hoor ons niks van sanksies en hulle afkeur aan wat in SA gebeur nie. Die plaasgemeenskap word letterlik GESLAUGHTER in SA maar die wereld kyk toe en die regering sit rustig agteroor… Lees meer »

Darksider

Hoe kan ons staan teen sulke blatante HAAT? My medelye…

Alida

As die veiligheidswag gesien het sy is amper verkrag was hy te treurig om die vark te vang of wat. Het hulle ook soos die polisie gestaan en kyk. As dit gewapende reaksie was hoekom skiet hy hom nie.

Dissie

Huisroof…wat van poging tot moord??? !!! Hy is met ‘n mes gesteek!!