Jong moordverdagte moet nou tuisonderrig kry

Leon Keith Vermeulen (40). (Foto: Facebook)

ʼn Sestienjarige seun wat beskuldig word van die moord op Leon Keith Vermeulen, moet voortaan tuisonderrig ontvang.

Vermeulen (40) se liggaam is in Maart vanjaar in ʼn veld in die Schmidtsdrift-omgewing in die Noord-Kaap aangetref. Vermeulen het ʼn enkele skietwond aan die kop gehad.

Die seun is twee dae later in verband met die moord aangekeer en het vroeg in April in die landdroshof op Douglas verskyn waar hy op borgtog van R500 vrygelaat is.

Geoffrey van der Merwe, woordvoerder van die Noord-Kaapse departement van onderwys, het by navraag gesê die seun, ʼn gr. 9-leerder by ʼn hoërskool in Kimberley, se betrokkenheid by die saak het eers bekend geword nadat hy reeds by die hoërskool begin skoolgaan het.

Die departement het aanbeveel dat die seun tuisonderrig ontvang tot die saak teen hom afgehandel is en dié aanbeveling is gevolg.

“Die leerder woon nie meer die skool by nie en slegs as sy onskuld bewys word, sal hy toegelaat word om na dié skool terug te keer,” sê Van der Merwe.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Elmarie

Waar kry ‘n 16 jarige ‘n vuurwapen? Onverantwoordelike berging van vuurwapens

Catherina

Jonk genoeg om te moor………vir wat word hy nie in tronk gestop tot hy skuldig bevind word.

Anoniem

Sjoe, 5 maande later en nog geen vonnis nie. R500 borgtog en vrygelaat. Is dit nie erg nie.
Hy is reeds 16 en het ‘n moord gepleeg. Sy naam word nie bekend gemaak nie. Hierdie onregverdige
regstelsel moet end kry. Die media kon nie genoeg publiseer en tekere gaan oor die seun van Griekwastad nie maar die meneertjie se identiteit word beskerm.

Willem Wikkelspies

.. so het ek dit reg? Sien die regter dat Leon se lewe R500 werd was .. hoekom die borggeld nie na waarde maak van die daad eerder as na die finansiele toestand van die beskuldigde nie ..

Hoekom

R500…..