Jong pa ‘het gelewe vir sy vrou en dogtertjie’

Schalk en Chantel Louwrens. Foto: Facebook

Schalk en Chantel Louwrens. Foto: Facebook

ʼn Jong pa is doodgeskiet toe hy sy vrou en dogtertjie probeer beskerm het.

Schalk Louwrens (26) het Donderdagaand omstreeks 21:30 saam met sy vrou, Chantel (26) en hul 16 maande oue dogtertjie by hul huis op ʼn plot in Rhenosterfontein, naby Raasblaar buite Rustenburg, stilgehou.

Volgens Louwrens se suster, Chantelle, het Chantel uit die motor geklim om die hek oop te maak. “Nadat hulle ingery het, het hulle ʼn man gesien en nog drie het hierna oor die heining gespring. My boetie het hulle dadelik gevra om asseblief net sy vrou en kind uit te los.”

Volgens Chantelle het een van die verdagtes aan haar skoonsuster begin ruk. “Schalk het haar probeer beskerm. Twee van die verdagtes het weggehardloop en dit het ook gelyk asof die ander twee wou vlug. Een van die verdagtes het omgedraai en my broer geskiet.”

Schalk is in sy skouer en onder sy arm geskiet. “Chantel het in die huis ingehardloop om iets te kry om die bloeding mee te stop, maar toe sy buite kom was hy dood.” Chantel het intussen hulp van die bure gekry en paramedici en die polisie is ontbied.

Volgens Chantelle het haar broer altyd gehelp waar hy kon. “Hy was ʼn regte grapgat en het absoluut gelewe vir sy vrou en dogtertjie. Hy was liefdevol en saggeaard en sou hom self te na kom om ander te help.”

Schalk was mal oor musiek. “Hy het klank gedoen by verskeie kuierplekke in Rustenburg waar kunstenaars opgetree het.” Volgens Chantelle is begrafnisreëlings nog nie getref nie.

Lt.kol. Pelonomi Makau, polisiewoordvoerder in Noordwes, het die voorval bevestig. Sy het gesê die polisie ondersoek ʼn saak van moord en niemand is nog in hegtenis geneem nie. Die verdagtes het met twee selfone gevlug.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

47 Kommentare

jongste oudste gewildste
Mvs

Sterkte julle. Sal liewer nie sè wat ek dink in di meeste se harte is. Mense word wakker hul altyd 1 stap voor mt moord en loop vry rond.

Netekke

Ek wonder of iemand ooit in hegtenis geneem gaan word omtrent hierdie moord want dit is mos maar net nog ‘n blanke ……… Net soos met plaasmoorde, dinge word onder die mat ingevee want ons is mos in die minderheid……..

Sarie

Hulle het moord kom pleeg vit twee selfone

al

Dis voorbedagte moord. Dis tyd dat ons standpunt inneem teen die rassehaat misdade teen ons.

Wilma

NEE!!! Dit kan nie! Verskriklike nuus!