Jong pa in veiligheidskompleks doodgeskiet

Chenelle en Thinus Herbst. Foto: Facebook

Chenelle en Thinus Herbst. Foto: Facebook

Die pa van ʼn eenjarige baba is koelbloedig in sy huis in Boksburg aan die Oos-Rand doodgeskiet.

Thinus Herbst (28) is twee keer in die bolyf geskiet deur rowers wat by die gesin se huis in die veiligheidskompleks Parklands Estate ingebreek het. Maj. Mack Mngomezulu, woordvoerder van die polisie, het gesê die rowers het toegang tot die huis verkry deur ʼn skuifdeur oop te breek.

Mngomezulu het gesê die motief vir die moord is nie in hierdie stadium bekend nie. Hy kon nie bevestig of enigiets uit die huis gesteel is of hoeveel verdagtes by die inbraak betrokke was nie.

“’n Saak van moord word ondersoek. Niemand is nog in verband met die voorval in hegtenis geneem nie,” het hy gesê.

Thinus se broer, Johan, het op sy Facebook-profiel ʼn huldeblyk aan sy broer geskryf en gesê hy het sy lewe vir sy familie opgeoffer. “Dankie Thinus vir die 28 jaar wat jy vir jou grootboet kon gee. Hierdie land se misdaad het jou van ons af weggeruk, maar jy sal altyd in ons gedagtes wees. Ons sal jou nooit vergeet nie.”

Maroela Media verneem Thinus en sy vrou, Chenelle, het ʼn babaseuntjie genaamd Dustin.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Leeutjie

Weereens ‘n sterfte wat my magteloos laat voel, nog ‘n ouer wat huil, nog ‘n gesin sonder ‘n pa en ek sidder as ek dink, waar gaan dit eindig??

neelsie

Woorde raak op as ons sulke nuus hoor…die sinnelose uitmoor van ons mense.
Nog n kind wat nie sy pa sal ken nie!
Mag ons God julle toevou met Sy liefde.

Debs

Nog ‘n koelbloedige moord!!!! Nog ‘n person wat op die misdaad statistiek kom en so so jonk. My hart huil vir die jong vrou en ma en om nie eers van die klein kind te praat nie. Ek ken daardie gevoel van moord. Hoe moet mens aangaan, hoe moet mens net bly oorsien aanvaar en vergete….. dit raak net erger en erger….. Ek bid vir die land wat eens so so mooi en lekker en veilig was …. al die wiele het nou op die grond geval en dit rol alle rigtings in.

Boesman

En ZUMA lag…

carel

en nou wil Zuma ons wapens wegvat?

Vir die wat my nie verstaan nie dit beteken skurke gaan wapens he en ons nie.

Zuma jy moet gaan kyk meeste van die moorde word met jou veiligheids magte se wapens gepleeg (lees die nuus z88 en R5 gewere – dit is deel van al die wapens wat SAP nie voor kan account nie?)