Jong pa voor vrou, kind doodgeskiet

Juandré Kidson (Foto: Facebook)

’n Jong pa is Saterdagaand op die N4 buite Brits in Noordwes doodgeskiet terwyl hy besig was om die band van hul voertuig om te ruil.

Die slagoffer is geïdentifiseer as Juandré Kidson. Hy het saam sy vrou, Johanette, en hul babadogtertjie op die hoofweg gery toe hulle oor klippe gery het wat glo opsetlik op die hoofweg geplaas is.

Volgens kapt. Aafje Botma, polisiewoordvoerder, is Kidson deur die drie mans oorval terwyl hy besig was om die motor se band te ruil wat deur die klippe beskadig is.

“Die verdagtes het hom oorweldig en doodgeskiet. Sy vrou is ook geskiet en gewond. Die kind is nie beseer nie.” Die verdagtes het die gesin glo van selfone en ander items beroof.

Die polisie ondersoek sake van moord en poging tot moord.

“My broer ek het nie woorde nie. My hart is in stukke. Jy moet sag rus boeta, ek sal my alles gee om na Bellie en Johanette te kyk waar ek kan. Tot ons mekaar weer sien. Lief vir jou,” het Marco Kidson, Juandré se broer, op Facebook gesê.

Johanette het ook op Facebook ‘n inskrywing gemaak na die voorval. “My man, my lewensmaat, beste vriend en pappa van ons eenjarige dogtertjie is wreed vermoor in ’n rooftog. Ons is stukkend. Asseblief bid vir ons.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

58 Kommentare

jongste oudste gewildste
Jack

Skokkend.Maar so gaan dit in die land.

Frank John

Dis hartseer. Ons bid vir hulle. God is met julle. Wees sterk en vol moed Hy sal jul nie begewe of verlaat nie.

Nie Verbaas

En dit alles te danke aan ANC se onvermoë en slapgatgeit. RIV.

Johan SA

Kom ons kyk nou of ons polisie en staat die wil het om die moordenaars vas te trek…

AmY

Dis bitter hartseer. Ek weet nie meer nie.
Baie sterkte aan die familie en vriende.
Ons bid vir julle.