Jong spoedvraat jaag teen 202 km/h

Foto verskaf deur die EMPD

Die Ekurhuleni-metropolisie het Sondag ʼn 21-jarige man aangekeer wat teen 202 km/h op die N3 in ʼn suidelike rigting gery het.

Kobeli Mokheseng, woordvoerder van die Ekurhuleni-metropolisie, het gesê die jong man het in ʼn Opel-sportnutsvoertuig gery en aangevoer hy is haastig op pad huis toe. “Daar is later bepaal dat die motor aan sy ouers behoort en dat hy sonder toestemming met die motor gery het.”

Hy sal binnekort in die Germiston-landdroshof verskyn.

Hy is een van vier persone wat Sondagoggend op die N3 aangekeer is. “Die persone het almal tussen 163 km/h en 202 km/h gery,” het Mokheseng bygevoeg. “Hulle is by Germiston-polisiestasie aangekla van roekelose of nalatige bestuur.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

56 Kommentare

jongste oudste gewildste
INA

Ek sou bàie kwaad gewees het as dit mý seun was… Ek’t gedink hulle sluit mens summier toe, as jy die spoedgrens met ñ sekere hoeveelheid km pu oorskrei… Kan iemand my asb sê wat die onderskeie “toesluit” kms is? Swak gestel, maar meeste sal my vraag verstaan.. ????????

Anoniem

Lekker vinnig né maar dit is nie eintlik wat die sterftes op ons land se paaie veroorsaak nie, né ! Julle mis die PUNT

SjN

Maak die bedorwe brokkie se ore mooi oop deur gemeenskap diens te verrig in n na doodse ondersoek agv voertuig ongelukke, laat dit vir hom n les wees, kan bly wees lyfstraf bestaan nie meer nie.

Niklaas

Dis eintlik poging tot moord. Botsings teen daai snelheid teen boom of erger , teen onskuldige ander motoriste , sal in sterftes eindig. As hy boete kry , betaal pappa gou gou en seun jaag volgende maande weer so. Laat hy gepaste straf kry.

Elna

Eina hy sal maar verantwoordelikheid moet vat en aanvaar vir sy dade en klaar. Daar kon menige dinge gebeur het teen die spoed wat hy gery het . Enige iets kon gebeur het. Dis baie onverantwoordelik om so te jaag.