Jong vrou gevonnis ná moord op matrikulant

(Argieffoto: Unsplash)

’n 18-jarige vrou is tot agt jaar tronkstraf gevonnis vir die moord op ’n matrikulant van Noordwes.

Kedibone Montsho is Dinsdag gevonnis vir die moord op die 18-jarige Katlego Gristiph Lesagae.

Montsho het Lesagae in Januarie verlede jaar naby Delareyville met ’n onbekende voorwerp gesteek, net nadat hy uit ’n skoolbus buite ’n skool in die Shaleng Morena-nedersetting geklim het.

Lesagae is destyds ná die voorval na ’n kliniek gehaas, waar hy met sy aankoms dood verklaar is.

Montsho is kort daarna in hegtenis geneem.

Brig. Sabata Mokgwabone, woordvoerder van die polisie, sê Montsho is tot agt jaar tronkstraf gevonnis waarvan drie jaar vir vyf jaar opgeskort is, op voorwaarde dat sy nie weer skuldig bevind word aan moord gedurende dié tydperk nie.

Die jong vrou is ook onbevoeg verklaar om ’n vuurwapen te besit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Mauritz

Agt jaar tronkstraf waarvan drie jaar vir vyf jaar opgeskort is vir moord???

Abraham

Hoekom….??

QueenB

Dus min vir moord…moord bly moord sy moes die volle straf gekry het

Androclus

Hoe moet daardie familie van die slagoffer voel oor 8 jaar wat sy nie eers voluit gaan doen nie.SA asb jou regstelsel….

Yolandie

Patetiese vonnis!!! Jammer maar moenie sê 8jaar wanneer die moordenaar eintlik effektiewelik net dalk net 5 jaar in die trunk gaan wees. Ek skaam my vd vonnis.