Huibré van Zyl. Foto: Facebook
Jennily Viljoen, Huibré se niggie, het aan Maroela Media gesê dat Huibré Saterdag aan haar beserings beswyk het.
Van Zyl is ernstig beseer toe sy en Petroné Gnade (18), Henk Terblanche (18), Wian Gagiano (18) en Barnardus Steyn (21) in die vroeë oggendure op pad terug was van Potchefstroom na Schweizer-Reneke. Corle Gnade, Petroné se ma, het vroeër gesê hulle vermoed al die insittendes het aan die slaap geraak.
Viljoen het Donderdag aan Maroela Media gesê die swelling en bloeding op Huibré se brein het ná ʼn week afgeneem, maar sy het beperkte breinfunksie gehad. “Die dokters het Maandag bevestig dat daar nie veel meer is wat hulle kan doen nie,” het sy gesê.
Viljoen het haar niggie beskryf as ʼn buitengewone meisie wat altyd almal om haar laat lag het. Begrafnisreëlings is nie in hierdie stadium bekend nie.
Tragies, sterkte aan die familie
My opregte medelye met Huibré se familie en vriende.
Huibre, ‘n merkwaardige jong vrou wat die lewe met passie geleef het. Jy los ongelooflik baie rou harte agter, liewe mens…
So jammer om dit te lees. Baie sterkte vir die familie en vriende.
Ons harte gaan uit aan die Van Zyl gesin in hierdie tyd. Ons het gebid dat sy sal beter word, soos ons gedoen het toe sy n vorige keer die brand ongeluk gehad het.