Jong vrou se lyk in rivier buite Pta gestort, polisie vra hulp

Die profiel van die onbekende vrou. Foto: Verskaf

Die profiel van die onbekende vrou. Foto: Verskaf

OPVOLG: Die vrou is uitgeken. Lees die opvolgberig hier.

Die polisie benodig hulp van die publiek om ʼn jong wit vrou, in haar 20’s, te identifiseer nadat haar liggaam twee weke gelede buite Pretoria gevind is.

Konst. Tumisang Moloto, polisiewoordvoerder, het Woensdag aan Maroela Media gesê die vrou se liggaam is op 13 September op die oewer van ʼn rivier in die omgewing van die Hennops Pride-karavaanpark, langs die R511-pad noordwes van Centurion, gevind.

“ʼn Ooggetuie het die polisie ontbied en gesê sy het tussen 09:00 en 10:00 twee wit mans en ʼn wit vrou gesien waar hulle die liggaam van ʼn wit vrou in die rivier gooi,” het Moloto gesê. Volgens die ooggetuie het die drie verdagtes in ʼn blou Audi A3 gery. Die registrasienommer van die motor is nie bekend nie.

Die Erasmia-polisie ondersoek ʼn saak van moord.

Die polisie se slagofferidentifikasiesentrum het intussen ʼn profiel van die slagoffer opgestel om aan die publiek te verskaf in ʼn poging om haar identiteit te bepaal en die polisie in hul ondersoek by te staan.

Moloto het gesê ʼn nadoodse ondersoek is gedoen en die polisie wag nog vir die uitslae om te bepaal hoe die vrou dood is. “Sy het sigbare merke aan haar liggaam gehad, maar die oorsaak van haar dood kan nog nie bevestig word voordat die uitslae van die nadoodse ondersoek bekend is nie,” het Moloto bygevoeg.

Mense met inligting oor wie die vrou mag wees, word versoek om die ondersoekbeampte, konst. Moima, by 083 317 7150 of die Erasmia-polisie by 012 370 1777 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
M

Ai tog, nie geweet julle word dopgehou nie né! Hoop julle word gou vasgetrek.

Tom

Mens nou so na die foto kyk lyk die gesiggie so vuil – sekerlik het sy nie altyd met ‘n vuil gesig geloop nie. . .

Customer Care

Dit is ‘n grafiese illustrasie…

Mercy

Wat is die simbool van die tattoo op haar nek?

Carlo

As julle nie iets goeds kan se van mense nie, bly stil, jy weet nie wat vir jou voorle in SA met al sy misdaad nie, daardie meisie was iemand se dogter, as jy vanaand gaan slaap weet jy nie of jy more gaan wakker word sonder dat jy aangerand is, jou vrou dalk verkrag en of een van jou kinders dalk in sloot le nie, niks word aan jou belowe nie Mooi dag