Argieffoto
ʼn 26-jarige vrou is Donderdagaand dood nadat haar bromponie ʼn ligte voertuig in Roodepoort, Johannesburg, getref het.
Santi Steinmann, ʼn woordvoerder van Netcare 911, het Vrydag aan Maroela Media gesê die ongeluk het omstreeks 19:00 in Van Dalenweg in Ruimsig plaasgevind. “Dit is nog nie duidelik presies wat gebeur het nie. Die polisie ondersoek die ongeluk,” het Steinmann gesê.
Die vrou was reeds dood toe paramedici by die toneel opgedaag het.
