Die Oos-Kaapse polisie ondersoek ʼn saak van strafbare manslag nadat ʼn jong man tydens ʼn ongeluk gesterf het.
Sers. Majola Nkholi, polisiewoordvoerder, het gesê die ongeluk het Dinsdagoggend net ná middernag plaasgevind toe die bestuurder van ʼn blou Mazda 323-sedan glo beheer oor die voertuig verloor het.
“Die man, Lizandre Kommins (24), die bestuurder en nog ʼn passasier het op die R62 tussen Kareedouw en Joubertina gery toe die motor omgeslaan en gerol het,” het Nkholi gesê.
Kommins is op die toneel dood. Die bestuurder en ander passasier het geringe beserings opgedoen en is op die toneel behandel.
Die presiese oorsaak van die ongeluk sal deur nadere ondersoek vasgestel word.
Lizandre is ‘n man
Dagsê Tish
Dankie vir jou valkoog. Ons vra om verskoning vir die oorsig, die berig is reeds gewysig.
Groetnis
Dalene
nms. Maroela Media