Joost van der Westhuizen kritiek

Joost van der Westhuizen en Amor Vittone op Kersdag. Foto: Amor Vittone, Facebook

Joost van der Westhuizen en Amor Vittone op Kersdag. Foto: Amor Vittone, Facebook

Joost van der Westhuizen is Saterdagoggend in ʼn kritieke toestand na ʼn hospitaal geneem.

Die J9-Stigting het op sy amptelike Facebook-blad gevra dat mense vir Joost bid. “Die familie en vriende van Joost vra dat julle almal vir Joost sal bid. Hy is vroeër vandag in ʼn kritieke toestand na die hospitaal geneem.”

Die stigting het gesê meer nuus oor Joost sal bekendgemaak word sodra dit beskikbaar is.

Joost se hospitalisasie kom kort nadat dit verlede maand aan die lig gekom het dat hy nou ʼn suurstofmasjien moet gebruik. Joost se broer, Pieter van der Westhuizen, het vroeër aan Maroela Media gesê dat Joost al ʼn geruime tyd van die suurstofmasjien afhanklik is, maar dat hy dit nie permanent gebruik nie.

“Die suurstof word op sekere tye toegedien indien nodig. Ons wou mense nie onnodig bekommer nie, want Joost veg nog verbete voort, daarom het ons dit stil gehou toe hy die suurstofmasjien moes begin gebruik. Ons verstaan egter mense is besorg oor hom en maak dit nou bekend,” het Pieter toe gesê.

Pieter kon nie Saterdag onmiddellik vir kommentaar bereik word nie.

Joost is tans in die heeltydse sorg van verpleegsters by sy huis in Midrand, op dieselfde landgoed naby die huis waar sy vervreemde vrou, Amor Vittone, saam met die egpaar se twee kinders, Jordan (12) en Kylie (10), woon. Hy het nog elke dag kontak met sy kinders.

Joost ly die afgelope vyf jaar aan motorneuronsiekte.

Lees die vorige berigte oor Joost van der Westhuizen op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

94 Kommentare

jongste oudste gewildste
Alida

Sterkte Joost. Ons BID vir jou, maar dit bly die Here se wil of hy jou wil kom haal. Die land is só lief vir jou. Jy veg al 5 jaar teen hierdie monster-siekte. X x x x x

CJ

Joost…ek bid vir Jou. Sterkte my vriend!!

SP

Joost,ons bid vir jou en jou familie.

Gezina Uys

Sterkte, Joost. Mag jy ons Hemelse Vader se nabyheid ervaar. Ek bid vir jou !

Marinda

Sterkte in hierdie tyd vir jou en jou familie. Ons bid julle krag en genade toe.