Juffrou geskors ná lyfstraf-video uitlek

'n Skermskoot uit die video van 'n voorval by die Prince Tokotoko High School in KwaNongoma, KwaZulu-Natal waar 'n onderwyseres na bewering minstens vyf meisies met ʼn stok op die rug slaan.

‘n Skermskoot uit die video van ‘n voorval by die Prince Tokotoko High School in KwaNongoma, KwaZulu-Natal waar ‘n onderwyseres na bewering minstens vyf meisies met ʼn stok op die rug slaan.

ʼn Onderwyseres van ʼn skool in die noorde van KwaZulu-Natal is geskors ná ʼn video op sosiale media gedeel is waar sy na bewering minstens vyf meisies met ʼn stok op die rug slaan.

Maroela Media het vroeër berig Mthandeni Dlungwana, provinsiale LUR vir onderwys, het Dinsdag besoek afgelê aan die Prince Tokotoko High School in KwaNongoma.

Muzi Mahlambi, woordvoerder vir die departement, het in ʼn verklaring gesê die LUR het die opdrag gegee dat die onderwyseres met onmiddellike geskors moet word.

“Die onderwyseres sal na verwagting binnekort voor ʼn tugverhoor verskyn,” het Mahlambi bygevoeg.

Dlugwana het met lede van die skoolbeheerliggaam, die skool se bestuur, leerlinge en lede van die gemeenskap vergader. Hy het om verskoning gevra vir die onderwyseres se gedrag. Hy het aan die ouers gesê die departement sal seker maak dat soortgelyke voorvalle nie weer plaasvind nie.

Die video is ongeveer drie weke gelede geneem voor dit soos ʼn veldbrand op sosiale media begin versprei het. Lyfstraf is in 1996 verbied.

Lees alle vorige berigte oor die Prince Tokotoko High School op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Hennie

Ons het met rottangs grootgeword nie die skool, vandag is lyfstraf ‘n kriminele oortreding. Geen wonder dit gaan so in ons land nie.

Thys

Ek het die video gesien. Absolute bog. Daai kinders het niks gevoel. Dalk die hour op die een se hand. Dit is niks in vergelyking die slae wat ons op skool gekry het. My simpatie met die jufrou. Kom ons stig n fonds vir haar.

Anel

En ek is seker haar klas se kinders vaar die beste in haar vak. Sterkte, juffrou!

Rina Pretorius

As ek my nou nie misgis nie lyk daai leerling swanger, ai tog die jongmense wat hulle lewens so opvoeter so jonk. Wel ek self is goed gevoeter op skool en by die huis, vandag lei ek aan ‘n ernstige siekte wat genoem word “respek” “maniere” en vele soortgelyke “siektes” Juffrou jy doen wat reg is volgens die Woord, doen so voort

sjoe

Sjoe ja nee die foto gee nie die ware beeld. Nee kyk of sy swanger is of wat ookal, mens kan nie iemand net so slaan nie, dit grens aan aanranding, die video wys waar die juffrou hul sommer goed slaan, ek sê altyd daai slaan tot jy beter voel, maar dit is nie reg nie. Wat jy nie in 2 goeie houe kan sê nie, moet ongesê bly. Dit blyk ook uit die video dat dit dalk huiswerk of iets nie so ernstig is, die ander kinders is ook buitengewoon stil. Ek persoonlik voel lê die roede in, maar… Lees meer »