Julius Malema met klippe gegooi

Julius Malema Foto: Werner Beukes/SAPA

Julius Malema Foto: Werner Beukes/SAPA

Julius Malema, leier van die EFF, is Saterdagmiddag tydens ʼn EFF-byeenkoms naby Richardsbaai in KwaZulu-Natal met klippe bestook.

Die byeenkoms in Esikhawini het in chaos ontaard en beamptes van die polisie se openbare orde-eenheid is na die toneel ontbied. Die beamptes het ʼn versperring tussen ʼn groep ANC-ondersteuners en nagenoeg 1 000 EFF-ondersteuners gevorm.

Malema is met klippe bestook enkele minute nadat hy op die verhoog verskyn het. Sy lyfwagte het hom teruggedruk terwyl klippe na die verhoog gegooi is. Malema het EFF-ondersteuners versoek om nie terug te baklei nie.

Die polisiebeamptes het rubberkoeëls na die groep ANC-ondersteuners gevuur. Mbuyiseni Ndlozi, woordvoerder van die EFF, het na afloop van die byeenkoms gesê ʼn “georganiseerde en gefinansierde skare” was verantwoordelik vir die geweld.

Nonhle Mkhulisi van die ANC het egter ontken dat dit die party se ondersteuners was wat klippe gegooi het. “Ek het gesien hoe EFF-lede klippe gooi.”

Maj. Thulani Zwane, woordvoerder van die polisie, het intussen gesê niemand is nog in hegtenis geneem in verband met die voorval nie. “Die polisie ondersoek egter ʼn oortreding van die Wet op Openbare Byeenkomste aangesien die EFF se aansoek om die byeenkoms te hou glo afgewys is.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Paul

Lyk my die anc gooi net so sleg klip as wat hulle regeer. Juliaas lyk nog ongeskonde.

Leonie

As ek moet kies wie ek wil glo dan kies ek anc eerder as eff .

James

Gooi heeltemal mis

Lance

Genade kan nie eers raak gooi nie ..breek net af …het niks gebrand nie ?

Asjas

As skare anc klipgooiers gefinansier was, is my belasting geld darem een keer reg aangewend.