June Steenkamp onseker oor Oscar se egtheid

June Steenkamp in die hof Foto: Masi Losi/Pretoria News/Pool (SAPA)

June Steenkamp in die hof Foto: Masi Losi/Pretoria News/Pool (SAPA)

June Steenkamp, Reeva se ma, het in ʼn eksklusiewe onderhoud met die Daily Mirror gesê sy is onseker of Oscar Pistorius nie net toneelspeel nie.

Steenkamp het aan die koerant gesê sy hou Pistorius fyn dop om te sien wat die waarheid is.

Pistorius staan tereg op ʼn aanklag van moord nadat hy Reeva op 14 Februarie 2013 by sy huis in Pretoria-Oos doodgeskiet het. Hy voer aan hy het haar vir ʼn inbreker aangesien.

Pistorius is baie emosioneel in die hof, druk soms sy vingers in sy ore en was al naar en het braakgeluide gemaak.

Foto’s van die toneel, die vuurwapen en Reeva se kopbesering is al in die hof vertoon terwyl June die hofverrigtinge bygewoon het. “Dit is baie traumaties, maar dit is my kind. Ek moet na die grafiese besonderhede luister,” het June in die onderhoud gesê.

Sy het gesê Pistorius se openbare verskoning het haar nie geraak nie.

June (67) woon die hofverrigtinge alleen by, aangesien haar man Barry (69) te siek is om na Pretoria te reis van hul huis in Port Elizabeth. Barry het ʼn beroerte gehad en is aangeraai om nie te vlieg nie. Hy beplan egter glo om binnekort wel by June aan te sluit.

Klik hier om meer te lees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Peter Says

June, dink jy is reg, die ou is n goeie akteur…

Theresa

Sterkte June – Dit moet baie erg wees. As dit my kind was sou daar nie eers ‘n hofsaak gewees het nie. Soos Piet Byl sê – Kyk verby Oscar se trane………………..

George Barnard

Johanna nee man die man het moord gepleeg,en hy lieg so dat hy hom self glo .Ek voel niks vir hom nie hy moet boed vir sy dade net omda( hy n parapleeg is jammer kry nooit hy is n bederwe brokkie en n lieg baie

Theresa

Nee Johanna en Anne. Wil julle nou hê June moet vir Oscar ‘n tissue aangee, ‘n bietjie water gee en sy groen emmertjie omruil. Liewe hemel – kom by. Dis haar kind wat so wreed weggeruk is van hulle af en Oscar lieg en hy weet dit.

Zelna Cilliers

Ek stem 100% saam met Johanna, ek glo Oscar is onskuldig. Hy is ‘n atleet nie ‘n akteur nie. Sterkte Oscar ek staan agter jou. Dit moet erg vir jou ook wees om deur alles weer te gaan. Mens kan nie alles perfek onthou wat op so ‘n aand gebeur het nie, jy is al deur so baie. Hoop jy het ‘n goeie persoon wat na alles vir jou berading kan gee. Jou familie staan agter jou en hulle glo in jou, want hulle ken jou. Jesus moet jou hand vat en ek glo jy sal hier uitkom.