Kaal man op strand het polisie op hol

Argieffoto

’n 24-jarige man is Woensdag in hegtenis geneem nadat hy glo kaalbas langs die strand in Humewood in Gqeberha gehardloop het.

Kol. Priscilla Naidu, polisiewoordvoerder, sê die man het na bewering met ’n blou Volkswagen Polo, wat aan sy ma behoort, in ’n heining van ’n munisipale gebou by die strand vasgery.

“Hy het toe kaal uitgetrek en in die rigting van aankomende verkeer op die M4 begin hardloop totdat ’n polisievoertuig hom in sy spore gestuit het,” sê Naidu.

“Die man het eers begin weghardloop toe hy die polisievoertuig gesien het. Met die hulp van die gemeenskap is die 24-jarige man aangekeer.”

Die man is na die polisiestasie geneem en is van roekelose en nalatige bestuur aangekla.

“Daar word beweer dat die man onder die invloed van verdowingsmiddels was en hy is daarna vir waarneming in die hospitaal opgeneem.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
JohanR

Miskien was dit Jacob Zuma wat uit die hospitaal ontsnap het!

piet

Hoekom het hy sy klere uitgetrek, om vinniger te hardloop? LOL

Twallie

Die opskrif het my laat lag.

Op hol….

marius

Kaalhol het Polisie op strand ….

SjN

Was seker oppad na n uithang geleentheid.