Kaap-rampe: Paramedikus geskors oor uitlatings

Argieffoto: Rescue 911

ʼn Paramedikus van Netcare 911 is Vrydag geskors oor ʼn uitlating wat hy glo op Facebook gemaak het te midde van die natuurrampe wat vandeesweek die Wes-Kaap getref het.

Netcare 911 het in ʼn verklaring gesê die paramedikus het Donderdag “diskriminerende opmerkings” op sy persoonlike Facebook-blad gemaak.

Craig Grindell, Netcare 911 se uitvoerende hoof, het gesê die organisasie distansieer homself heeltemal van die paramedikus se “onaanvaarbare aanmerkings”.

“Netcare en Netcare 911 het ’n ferm beleid wat geen diskriminasie duld nie. Ons sal nie huiwer om die sterkste moontlike stappe te doen teen ’n personeellid wat die maatskappy se waardes, etiek en gedragskode skend nie,” het Grindell gesê.

“Ons gedagtes is in hierdie krisistyd by die gemeenskappe van Knysna, Plettenbergbaai en verder langs die Tuinroete. Ons betuig ons innige meegevoel met die families wat geliefdes in die verwoestende brande verloor het.”

Die paramedikus se tugverhoor sal volgende week plaasvind.

Maroela Media het navraag by Netcare 911 se skakelagentskap, Martina Nicholson Associates (MNA), gedoen oor wat presies die paramedikus gesê het. Martina Nicholson het geantwoord dat die agentskap verkies om nie die uitlating te herhaal nie.

“Die uitlating is intussen op sosiale media verwyder en ons verkies om dit nie te herhaal nie aangesien Netcare 911 nie die negatiwiteit rakende die situasie wil vererger nie,” het sy gesê.

Maroela Media het vroeër berig die burgerregte-organisasie AfriForum het Vrydag verskeie “rassistiese plasings” veroordeel wat op sosiale media gemaak is te midde van die natuurrampe in die Wes-Kaap en spesifiek Knysna. Lees die kommentaar hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

48 Kommentare

jongste oudste gewildste
Ander Annie

Hoe kan hy beseerde en siek mense help as hy so voel? Ek hoop Netcare besef die man is ‘n gevaar. Ek sit ‘n baie groot vraagteken oor sy etiek in sy beroep.

My mening

Ongeag van op wie ookal sy aanmerking gemik is hoort hy nie in enige nooddiens want hy sal sy diskriminerende gedrag hier ook uithaal waar hulp nodig is.

Ai

En wat van die ander wat Maroela van berig het? Dit was darem maar vreeslike uitlatings.

Ek stel voor hulle almal word R150 000 beboet soos die voeltjie vrou en al daardie geld kan bydrae tot die hulp fonds vir die mense wat als verloor het. Kom nou Afriforum, ek dink dis n produktiewe manier om van iets leliks iets goeds te maak.

Caroline

I am concerned now for my safety and family and friends if they ever need help. We do not need people who decide by race who should be helped in crisis. I ask kindly that the person involved be removed from service. My medical aid uses this specific service I will have to change medical aid to insure my life will be priority when I require help. This is to be seen as a very serious matter as if one person has this mentality then who else.

Adri

Hy is maar een van vele. Gaan daar teen die ander ook opgetree word soos teen blankes wat een ou verkeerde woordjie laat uitglip? Waarskynlik nie.