Kaapse damvlakke daal steeds

Argieffoto van die Theewaterskloofdam (Oktober 2019) (Foto: Maroela Media)

Kaapse damme het die afgelope week met 1,7% gedaal tot 62,6% van die algehele kapasiteit. Die gemiddelde waterverbruik het in dieselfde tydperk van 771 miljoen liter water per dag tot 767 miljoen liter water per dag afgeneem, het die Stad Kaapstad in ʼn verklaring gesê.

Volgens Xanthea Limberg, burgemeesterskomiteelid vir water en afval, bly die damvlakke daal. Vlakke het verlede week met 1,6% tot 64, 3% gedaal.

Limberg sê die tempo waarteen damvlakke daal, word hoofsaaklik bepaal deur warm en winderige toestande.

“Aangesien die stad steeds die damvlakke probeer herstel, is vlak 1-waterbeperkings nog van krag ten einde huidige waterreserwes te bespaar,” het Limberg gesê.

Besoek www.capetown.gov.za/thinkwater vir meer inligting rakende waterbeperkings.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Naas

Met so baie water beskikbaar en die reënseisoen wat voorlê is dit hoog tyd dat die tariewe drasties verlaag word. Die partytjieseisoen is mos ook verby, of is ek verkeerd daaroor?

Deon

Die tyd van die jaar is die mooiste weer in die kaap. Min wind en min reen. dit is normaal dat die dam vlakke daal. Die reen seisoen kom nog vir die kaap.