Kaapse laerskool verander van plan oor Afrikaans

skool

Argieffoto

ʼn Kaapse laerskool wat besluit het om vanaf 2017 sy taalbeleid van Afrikaans-Engels-parallelmedium na Engels-enkelmediumskool te omskep, het van plan verander.

Carien Bloem, projekkoördineerder vir onderwys by AfriForum, het Maandag gesê die Laerskool Monte Vista het besluit om as parallelmedium-instelling te bly voortbestaan. Bloem het die besluit verwelkom.

“AfriForum is verlede week oorval met navrae van bekommerde ouers wie se kinders vir 2017 reeds by die Afrikaanse been van hierdie skool ingeskryf is,” het sy gesê. “Die skool het egter bevestig dat hy in 2017 wel Afrikaanse graad 1-leerlinge gaan inneem, omdat daar nie ’n nabygeleë skool is wat oor die vermoë beskik om die Afrikaanse leerders in te neem nie as Laerskool Monte Vista by sy besluit sou bly om te verengels.”

Sy het gesê hierdie voorbeeld dien as bewys van die krag van ouers wat saamstaan en ’n standpunt vir moedertaalonderrig inneem. “Dit bly ouers se reg om op gehalte- en moedertaalonderrig vir hulle kinders aan te dring,” het Bloem gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Mielie

Dit klink onwerklik! Om te baklei vir jou taal. Verbasend dat ander mense nie baklei vir hulle taal nie, maar vir ‘n “westerse” taal, ongelooflik! Dit laat mens dink…….

Cheeki

Volpunte vir LS Monte Vista!!

Elbri

Wonderlik!!! Ek glo ander skole sal hulle voorbeeld volg. Waarom moet ons Afrikaanssprekendes ons waardes laat vertrap. Ek stem saam dat Engels in Afrikaanse kinders se leerplan, na ‘n hoër standaard moet verander. Kleuterskole kan dit van die begin af, toepas. Vandag se kinders is soveel beter in hul Engelse taal, as vroeër. Soveel jongmense verlaat die land direk na skool en Engels word dan hul 1ste taal, maar hul Moedertaal sal in hul harte bly al besig hulle dit selde.

gatiep

Ek wens die klomp engelse wil terug gaan na hulle eie land,meskien kan hulle nog dan hulle land red sodat hulle kleinkinders nie eendag gedwing gaan word om n Arabiese taal aan te leer nie.

AH

Waar Afrikaans gebore is moet daar ook nou vir die voortbestaan geveg word