Kaapse Mediclinic brand

Die brand by die Mediclinic Cape Gate in Kaapstad (Foto: Twitter)

Twee personeellede is behandel vir rookinaseming nadat ’n brand Maandag vroegaand by die Mediclinic Cape Gate in Kaapstad uitgebreek het.

Geen pasiënte is in die voorval beseer nie.

Tertia Kruger, woordvoerder van Mediclinic, sê ’n brand het omstreeks 19:00 buite die opleidingskamer uitgebreek waarna die nooddienste na die hospitaal ontbied en die brand geblus is.

“Om enige potensiële impak te voorkom, is vyf pasiënte vinnig van een waakeenheid na ʼn ander waakeenheid geskuif. Sommige pasiënte is tydelik na ʼn ander saal geskuif, maar is weer vanoggend na die chirurgiese afdeling geskuif.”

Jermaine Carelse, woordvoerder van Kaapstad se brand- en reddingsdiens, sê ʼn brandveiligheidsinspekteur is intussen versoek om die oorsaak van die brand te bepaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
melaney

Dinge raak rof.

Einstein

Nog ‘n gebou wat “toevallig” aan die brand raak… nee, Jannie, iets is nie pluis nie

Sarel

Brande gaan voort en niemand antwoord nie

Stefan

Nie nodig vir deskundige ondersoek nie.

Peetjie

Hoe gebeur sulke brande net… Dis mos net verdag…