Kaapse metro stel grond beskikbaar vir dagga-aanleg

dagga-plant

Foto: Verskaf.

Die Kaapse metro het grond beskikbaar gestel vir die produksie van dagga vir mediese doeleindes.

Die metroraad het die besluit vroeër die week geneem en volgens James Vos, burgemeesterskomiteelid vir ekonomiese ontwikkeling en batebestuur, was dit ʼn baanbrekersbesluit wat die grondslag sal lê om Kaapstad se potensiaal in hierdie onbenutte sektor te ontsluit.

Die grond wat vir dié projek geoormerk is, is in Atlantis aan die Weskus geleë. Volgens Vos wys die besluit op die stad se toewyding om met die private sektor saam te werk om nuwe geleenthede te ondersoek met die oog op ekonomiese groei.

“Hierdie positiewe stap deur die stad gee ons die geleentheid om die ekonomiese voordele te ontsluit met voortspruitende werkskeppingsgeleenthede wat hierdie ontluikende bedryf sal bied,” het Vos gesê.

Die oprigting van die fasiliteit sal ʼn belegging van R638 miljoen in kapitaalbesteding tydens die konstruksie van fase een tot gevolg hê. Daarbenewens sal ʼn verdere R1,5 miljard in fase twee belê word wat na verwagting oor vier jaar sal begin. Teen die einde van fase twee sal daar na verwagting  werksgeleenthede vir 250 individue geskep word.

“My portefeulje gee oorsig oor die identifisering, fasilitering en bevordering van ekonomiese geleenthede in die stad, en as sodanig verwelkom ons die belegging en die uitbreiding in onbenutte ekonomiese sektore,” het Vos gesê.

Atlantis is bekend vir sy “groen” ekonomiese geleenthede, en hierdie nuwe bedryf kan potensieel aansienlike inkomste, werksgeleenthede en vaardigheidsontwikkeling tot gevolg hê, sê Vos.

Dit is die tweede soortgelyke fasiliteit wat in Atlantis beplan word. ʼn Fasiliteit vir die verbouing en verwerking van medisinale dagga in olie en kapsules word ontwikkel op ʼn private plaas naby die nywerheidsgebied.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

36 Kommentare

jongste oudste gewildste
Pierre

Gedog daai mense is gerook as ek daar verby ry

Andreas

Atlantis aan die Weskus né.

Johan

As daar één plek gaan wees waar diefstal op groot skaal sal plaasvind, is dit juis hierdie plek!!

Albert

Wat ‘n idiotiese gedagte-gebruik eerder die geld en bou seewater ontsouting aanleg vir die volgende droogte.
Dagga rook gaan nie die water tekort laat verdwyn.
Oplossing is as elke township se aspirant boere hulle eie aanplantings
maak ,sommer in hulle agterplase,sypaadjies en oral waar daar ongbruikte grond lê en die opbrengs verkoop aan die Stadsraad.
Dit klink na ‘n manier om werkloosheid hok te slaan,almal word daggaboere met goeie inkomste, die Stadsraad kry hulle dagga sonder moeite of kapitale uitleg en is instaat om die seewater te ontsout en die water onder andere aan die.daggaboere te verkoop!

Andreas

Maybe the people of Atlantis voted for their Good, en kyk wat ‘n meevaller kry hulle.