Kaapse straat dalk na De Klerk vernoem

FW de Klerk. Foto: FW de Klerk-stigting/Facebook

FW de Klerk. Foto: FW de Klerk-stigting/Facebook

Tafelbaairylaan kan dalk eersdaags FW de Klerk-rylaan heet indien die Kaapse stadsraad dié voorstel deur die stad se naamkomitee goedkeur.

“Die voorstel voldoen aan die stad se benamingsbeleid wat bepaal dat burgers van Kaapstad en Suid-Afrika in hul leeftyd oorweeg kan word indien hulle internasionale erkenning van die hoogste soort ontvang het,” het raadslid Brett Herron in ʼn verklaring gesê.

Herron het gesê die voormalige president voldoen aan dié vereiste. De Klerk (79) was van September 1989 tot Mei 1994 president van Suid-Afrika. Hy het in 1993 saam met oudpresident Nelson Mandela die Nobelprys vir vrede ontvang vir hul bydraes tot die beëindiging van apartheid.

Volgens Herron het De Klerk gesê hy is ten gunste van die idee solank die straat wat na hom vernoem word ʼn neutrale naam het. Herron het gesê die finale besluit rus egter by die stadsraad. “Inwoners, rolspelers, belanghebbendes en gemeenskapsorganisasies het die geleentheid gekry om hul siening daaroor te gee.”

Herron het gesê die besluit om De Klerk se naam voor te stel het gekom nadat prominente inwoners van Kaapstad in Junie verlede jaar skriftelik die versoek aan burgemeester Patricia de Lille en die stadsraad gerig het. Die ondertekenaars sluit in aartsbiskop Desmond Tutu en Helen Zille, premier van die Wes-Kaap.

Volgens die voorstel is dit gunstig vir die stad om De Klerk se rol in die oorgang na ‘n nuwe bedeling in Suid-Afrika, te erken.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Hanno Visagie

Oud-president Weggee de Klerk polities-korrek vernoem?

Paul

Hy was mos so gesteld op sy wigte en teenwigte, hulle moet miskien die straat Booswig straat noem.

Oom Koos

Agge nee wat. Wat skort met die huidige naam? Hoekom die beheptheid om strate na politici en veral oud-politici te vernoem? Verbeter eerder dienslewering en hou op torring aan straatname.

Oom Koos

Agge nee wat. Wat skort met die huidige straatnaam? Sommige Suid-Afrikaners is behep daarmee om strate en dorpe na oud-politici te vernoem. Verbeter eerder dienslewering en hou op torring aan dorp- en straatname.

Jaco Steyn

Dit wil voorkom asof straatname vernoem word na heelwat karakters wat ‘n aansienlike bydrae gelewer het tot hierdie land se agteruitgang – vanaf Beyers Naudé tot Steve Biko tot FW de Klerk…